نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - !! ..][ آآآهـ تخيلـوا لو هـذا موجـود في السعوديـــة ][.. !!

داق اشارة · #18 11/02/2008, 09:19 PM

إقتباس


	ليه هم عندهم سينمـا ,, وأفلام ,, وأسواق ,, وفالينهـا صح !!

انا ماعندي سينما ولا احب الأسواق
ومع كذا ولله الحمد ( فالها ) صح على حد تعبيرك

للأسف الجيل الحالي فاهم الفلة
انك تروح زي ( البنت ) من بعد العصر الى آخر الليل و انت بالسوق
الفلة الي انت تبيها ، تبيهم يدخلونك السوق ولا حد يمنعك بحجة بتاخذ غرض وتمشي

يعني لازم يسوون لنا سينما و نقلد ونصير نتبع غيرنا عشان يقولون عنا فالينها السعوديين ؟!
لازم يسمحون لك ولغيرك تدخلون السوق وتضايقون البنات عشان تفلونها ؟؟

اسألك بالله وبأمانة جاوبني دخلتك بالسوق وش بتستفيد منها ؟
بتاخذ غرض ؟ الحمدلله الأسواق ما قصرت من الصباح حتى الظهر فترة للشباب
اذا انت فعلا ً جاد وتبي تاخذلك غرض رح الصبح وخذ غرضك واطلع
على فكرة ترا ابغض الأماكن الى الله الأسواق وانت تبي تروح ( تفلها ) بالسوق .

إقتباس


	وأنا أؤيد وبقوووه السينمـا ! لأنهـا راح تحل [ جـزء ] بسيـط من الفراغ الي يعيشونه الشباب !!

يا اخي الكريم ، في المخيمات الدعوية ، في حلقات تحفيظ القرآن
في طلعات البر ، في اكثر من وسيلة تسد فراغ الشباب الي انت تقول عنه
جات على السينما ودخلة الأسواق يعني ؟! سبحان الله .

إقتباس


	يعني عاجبهم الوضع كذا !! ( تحشيش - تفحيط - مغازل - لواط - زنا - سرقه ) إلـخ ..

انا مدري المجتمع الي حولك كله كذا ؟!
انت تتكلم عن مشاكل عامة على مستوى العالم
ما جات على الرياض والا جدة والا الدمام
هذي جرايم بكل العالم موجودة
والسينما ماهو حل لها ، بالعكس راح يزيد من الشي هذا .

الله يهديك