نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || كارثة ميونخ ( خمسون عام ,, بالتمام ) ||

hilalemooot · #10 08/02/2008, 06:19 PM

السلام عليكم

ربي يسلمكم ويعافيكم شباب

الحاادثة كانت مؤلمة على مدينه مانشستر بأكلمها .. ظروف السقوط والفريق اللي كان موجود واللي كان الكلّ مأمل عليه انه يكون من أقوى الفرق الأوروبيّة ذلك الوقت .. لكن مشيئة الله كانت أقوى .

طبعا السير بازبي تسلم فريق هشّ وبناه من البداية .. إعتمد على لاعبين صغار في السنّ .. وكان يواجه هجوم قوي من الجماهير اللي كانت تطالب بالبطولات .. لكنه إستمر على رأيه وأعاد الفريق للبطولات .. طبعاً بازبي كان مساعد مدرب في ليفربول وعرضوا عليه تدريب الريدز لكنه رفض بحجة ان الصلاحيات ماهي كامله تحت إيده .. وفضّل الإنتقال لليونايتد لأنه هناك يقدر يعمل براحته .. وهالشي ساهم بزيادة العداوة بين ليفربول و مانشستر اللي نشوفها حتى الآن

في أول موسم له مع الفريق جاب المركز الثاني .. وفي العام اللي بعده نفس المركز بالإضافه إلى كأس إنجلترا .. بعدين حقق البطولة بعد جلبه لـ الشبان ذلك الوقت دنكان إدواردز وبيل فوكس وغيرهم .. وشاركوا في أول بطولة أوروبيّة بعد سنتين تقريباً رغم رفض الاتحاد الإنجليزي و وصلوا للدور النص نهائي في أول مشاركة

الصورة هذي كانت آخر مباراة لـ مانشستر قبل سفرهم لـ يوغسلافيا لمواجهه النجم الأحمر الصربي .. كانت مع آرسنال وفي الهايبري و فاز مانشستر 5/4 .. وحسب كلام النقاد ان هالمباراة من أجمل المباريات في تاريخ الفريقين حتى الآن

بعدين راحوا لـ بلغراد وفازوا على النجم الأحمر هناك 2/1 والقصة موجودة زي ما كتبوها الشباب .. طبعا الحادث كان مرعب على المدينه ككل .. والكل تعاطف مع الفريق .. لكن الغريب بالموضوع ان الطيّار ألماني وما توفى بالحادث وهالموضوع خلى البعض يقول ان السالفه مستقصده بحكم المشاكل اللي كانت بين البلدين ذاك الوقت

هذي أول مباراة بعد الحادثه وكانت مع شيفلد وينزداي وفاز فيها مانشستر 3/0 .. كان الكابتن في المباراة اللاعب بيل فولكس .

بعدها بازبي رجع وبنى فريق جديد كان فيه بوبي تشارلتون ولاعبين آخرين على ماعتقد من الفريق السابق اللي نجا من الحادثه وجلب لاعبين آخرين من بينهم جورج بست وفاز الفريق بدوري الأبطال

الكثير يشبّه اللي يقوم فيها فيرغسون هو إمتداد للي قام فيه السير بوزبي .. فيرغسون كمّل على نفس الطريق لذلك بوزبي و فيرغسون يعتبرون افضل المدربين اللي مروا على مانشستر .. ويمكن هم الابرز

مباراة السبت مع السيتزن راح يكون فيها تخليد لهالذكرى .. الفريق راح يلبس نفس طقم الفريق عام 1958 .. الارقام راح تكون من 1 إلى 11 .. ولا راح يكون فيه اي شعار .. يعني بيلعبون بطقم مافيه شعار نايكي او AIG

يعطيكم العافية شباب

فـ مان الله ,.,.,