نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - " قسم رابطـة الجمهور الهلالي " ، نقلـة نوعيّـة لجمهور الزّعـيم يُضرب بها المثل .!

الملك"توتي" · #1 27/01/2008, 12:26 AM

بسم الله الرحمن الرحيم

حياكم الله ..

بما اننا زعماء !!

وبما ان الهلال هو الزعيم ..

فأنا احب اقدم اقتراح بسيط عشان نكون زعماء حتى في الجماهير

ويكون الهلال صاحب نقلة نوعية في الجماهير السعودية عامة

-
-

طبعا كلنا نعرف أن أصعب ما تواجهه الرابطة تقريبا هو عدم الانسجام بين الجمهور او عدم الالتزام بالمطلوب لذلك :
اقتراحي هو انه يكون في المنتدى قسم خاص بالجماهير .. وما بالغ لو قلت منتدى كامل

مثل اندية اوروبا .. ويكون في هالمنتدى حاجات كثيرة .، مثلاً :

* يجتمع قائد الرابطة بكل من يحضر للمباريات بشكل مستمر ويتفقون على اشياء معينة !

* قبل كل مباراة كل من سيحضر للمباراة يتواجد في المنتدى ويتعرفوا على ما سيعملونه في هالمباراة

* المصممين مهمين في هالمنتدى .. عشان يتفقون على رسمة جميلة للجمهور .

* يتفقون على اهازيج معينة ..

وغيرها الكثير ..

وانا عندي ملاحظة .. يمكن البعض يعتقد بأن الجماهير العالمية لا تستخدم مكبر الصوت ..

لا بالعكس الجماهير حتى في اوروبا تستخدم مكبرات الصوت .. بس وش الفرق ؟؟؟

الفرق يا طويل العمر انهم ما يحطون المايك جهة الملعب !!

يعني القائد يروح بين الجمهور تماما .. في الوسط

ويرفع المايك فوووق ويردد الاهازيج ..

على كذا ما يطلع صوت المايك للاعبين ولا على التلفزيون ويكون الصوت الجماعي فقط هو اللي يطلع

مو مثلنا قبل المباراة يروح كل واحد يربط المايكات على الحاجز اللي بين المقاعد والملعب ..

وصدقوني ان هذي الاشياء مو بس فايدتها جمالية حتى في الحضور ..

راح يتحفز كل واحد عشان يحضر !!

وكل اللي ما كان يدري عن المباراة حيدري وحيحضر ..

واتمنى اتمنى ان هالإقتراح يقراه المسؤولين فعلاً مو لازم يطبق بس يقروه فقط

عشان نحس فعلا ان الشبكة لها فايدة وان جمهور الهلال له قيمة .. مو بس كل واحد يقول كلام عالفاضي

وبكـذا نكون جمهووور

" مـمـيّــز "

_

شكرا لكم وابي آرائكم بكل صراحة