كتبتها ولاني معدل فيها شي حتى يعود سامي للملاعب !!!!!
ملاحظة ........
انا العضو (النظيف) بس مالا درت اكتب باسم النظيف
لاني من زمان ما كتبت ويبيله تفعيل ...
وحقوق النشر محفوظة !!!!
يعني خلاص ؟ يعني رحلت يا أسطورة ؟
مذهول !! ما أصدق !! أكيد واحد من احلامي
كذا بغمضة عين ألاقي الدنيا مهجوره !
والارض تصرخ رحل سامي رحل سامي !!
كيف تصير هالدنيا وكيف حالها الكوره ؟
كيف الناس من بعدك من اللي يروي الظامي ؟
كيف البسمة من دونك كيف تكون مسروره ؟
كيف أعيش وانا ادري اعيش بكل آلامي !
علمني مين أحب يا اجمل حب وشعوره ؟
علمني وشلون والحب نامي معك نامي !
ســنين تعطيني وتغيض قــلوب مقهوره
ســنين وتسكني أجـمل فرحة بأعوامي
مسكين اللي ماعنده انت أحد مبدع بدوره
مسكين وترى مسكين لأنه عايش أوهامي
بعدك كيف أنا أقول هالكلمات مشكوره ؟
بعدك .. ماأظن أبلقى من يجبر عـظامي
جيت اودعك بالملعب وشفت الناس مسحوره
أحد يبكي وأحد يشكي وانا اعض ابهامي
وقــف.. يلوح بيده يبادل حــب جــمهوره
فارس ترجل من حصانه لحظة مسك ختامي
قهرناهم شياطين في ليلة حب مشهوره
وجينا نبكي وداعك بحب وشوق وهيامي
وقفت استرجع الذكرى سنين العز وشهوره
وهالملعب غدا اطلال يحمل ذكرى أيامي
هنا.. اسعدتنا و ابكيتنا هنا كانت الثوره
هنا.. قلبت هالدنيا وجلبت الــعز قدامي
هنا المستحيل سويته ملكنا غالي مهوره
هنا أشعلت كل الكون وتـبدد كل ظلامي
هنا روس صارت فيك تعيش وهي مغروره
هنا انت بس سامي وكل الناس أسامي !!
رسمتك على أوراقي الله يازينها الصوره
وكتبتك أحلى قصيدة تبدع فيها أقلامي
يالكوكب اللي هــذا أول وآخــر ظـهوره
مذهول ما أصدق أكيد واحد من أحلامي
يعني خلاص ؟ يعني رحلت يا اسطوره ؟
أجل بدفن الكورة وبرحل معك ياسامي !!
