|
مع احترامي للجميع ... بس هذي هي الحقيقة!!
صباح الخير لجميع الزعماء
الكل شاهد الاعتزال امس وفعلا كان الحفل والمباراة ولا اروع
انا من عشاق نادي الهلال طبعا منذو مبطي
وبنفس الوقت من عشاق المانشستر يونايتد منذو مبطي
الموضوع باختصار
انا اعرف فريق المانشستر جيدا ومتابعهم سواء في الدوري الانجليزي
او في دوري ابطال اوروبا
بصراحه ومن وجهة نظري المتواضعه<== عشان لا يجي احد يقولي مندس
واللي يبغى يقول مندس يشوف تاريخ تسجيلي بالمنتدى
من وجهة نظري الشوط الاول فعلا كانت المباراة متكافئة والفريقين يلعبون بحماس!!
مع العلم ان بعض نجوم المان ما لعبو صح خوفا من احتكاكات تجيبلهم اصابات
وبنفس الوقت حسيت انهم ما يبون يبذلون جهد كبير عشان مباراتهم يوم السبت!!
بس بصراحة الشوط الثاني كلنا شفنا الكم الهائل من التغييرات اللي صارت
وبصراحة اكثر الشوط الثاني واضح ان المان يلعب من غير نفس!
خصوصا ان وحش الدفاع ريو فيرديناند
والاعب الملك اللي بصراحة نقطة تغيير في مستوى الفريق كريستيانو رونالدو
طلعهم المدرب بالشوط الثاني!!
يعني يلعبون باقل مجهود وما كانو متوقعين يجيهم هدف!!
حتى واين روني اللي المدرب ريحه للشوط الثاني
عشان يحفظ ماء وجه الهجوم بمساندة زميله البرتغالي الشاب ناني
طول الشوط وهو يلعب كانه بتدريب ما ادري وش السبب!!
بعد الهدف شدو حيلهم في سبيل تعديل النتيجه بس اللي صار اللعبة انتهت
@@ GAME OVER @@
ما اطول عليكم
اللي ابغى اقوله باختصار ان لو تقابل المان والهلال ببطولة رسمية
وطبعا هذي ما رح تصير الا ببطولة العالم للاندية اللي ان شاء الله الهلال يتاهل لها
اكيد المان بيلعب بتشكيلة اساسية طوال المباراة بدون استهتار واستهبال!!
قبل لا احد ينفخ ما راح اقول ان النتيجة بتكون تاريخية لان مستوى الهلال امس كان رائع
بس للاسف الهلال بيخسر المباراة بغض النظر كم النتيجة
اتمنى تتقبلو وجهة نظر عاشق للهلال والمان ويعرف الفريقين
بالنهاية مبروووووووووووووك فوز الهلال وبالتوفيق للخراشي
قفلة:
امس لاعبين الهلال اللي انهو المباراة
يعني لاعبين الفرق الثانية اثبات وجود
ما كان لهم اي تاثير واضح بالمباراة باستثناء هوساوي وهو اصلا هلالي
وما ننكر ان نور كان له بعض اللمحات بس ما كان بمستواه
يعني المهم الهلال فاز على المان بلاعبيه الابطال
تحيواتي المغلفة بوجهة نظري اللي شكلي بنجلد عليها
لاني عارف بعض عقليات اللي بالمنتدى
| 