هلا بخوينا أيام التغطية ..

يعني الحين صار لي واسطة .. يعني أقدر أقول قد شفت واحد جاه قبول بجامعة ما ادري وش هي في بريطانيا..

إلا يا ابو سعد .. هم هناك يحتسون عنقليزي .. يعني حتى حقين البقالات ؟؟؟؟ <----- أكبر همه..

عاد خذ المعلومات اللي عندي ..

بريطانيا هذي تنقسم لثلاث ديار

انجلترا - واسكتلندا - وويلز..<----- لا يا شيخ..!!

وفيه معلومة بس مانيب متأكد منها ( لأنها ما تدخل المخ ) وهي إن رئيسهم طلعت حرمه ماهوب رجال ..

-----------------------------------------------------------------------------------------------

ماسبق لا يعتبر إلا خرابيط ..

-----------------------------------------------------------------------------------------------
أقول الله يوفقك يالغالي .. وتروح وتجي ومعك الشهادة الكبيرة إن شاء الله ....

وإن شاء الله إذا سوى الزعيم مباراة مع مانشستر يونايتد تغطيها لنا .. ونرسل لك الموهوب يساعدك..

تروح وترجع لنا بالسلامة .. ولا تقطع بنا حتى لو انك ببريطانيا


أخوك / البارق