|
هذا ماحصل معاي باستاد الملك فهد ( الاثنين ) الساعه 30 : 10 صباحا
السلام عليكم مساؤكم وداع رائع وجميل لذئب الملاعب مابي اطول عليكم كنت معتمد على واحد انه يجيب التذاكر من يوم السبت وكل شوي يقول يله بروح الحين الى ماضيع الوقت علينا  المهم رحت قبل شوي للملعب استاد الملك فهد ( الاثنين ) الساعه 30 : 10 صباحا  والقى امة محمد وعالم قلت الله يستر المهم واروح لشباك التذاكر مسوي ثقه قلت بالله عطنا تذكرتين درجه اولى عاديه ( المواجهه للمنصه ) قال مافي خلصت قلت طيب عطنا درجه ثانيه ( جنب المنصه ) قال مافي خلصت قلت وش بقى قال مافي الى الثالثه ( ورى المرمى ) قلت لا استعجل بحصلها بره السوق السوداء زيادة 20 , 30 ريال مو مشكله والقاها بره مع ابو هنود وابو بكس سالته بكم قال 300 ريال والثاني 300 الثالث 280 ريال والله المشكله قلت ابو عبدالله يستاهل الحضور واخربها واشتري 2 حسب لي الوحده 240 ريال بالطقاق والهواش طبعا ( خويي يبعطيني قيمة تذكرته مو على حسابي ) المهم اعتزال الذيب الملعب فووووووووووووووووووووووووول من جد الله يكمله بالخير اسف على الاطاله | 