ااااه يا زعيم ااااه ,, مباراة بالرياض بدون جمهور " لحد يزعل ,, هذي حقيقة جمهور الرياض "
\
سلاااااااااااام لاعضاء السلااااااااااام
زماااااااااان ياهلااااااااااال
ااااه ليت ايامك يالثنيان تعود واااه ليت ايامك يالجابر تعود
اااااااخ عليك يالزعيم
والله ملينا من جمهور الرياض
مباراة للهلال وبالرياض ومهمه كونها منافسه مع نادي الاتحاد على الصداره
والجمهور الحاضر اقسم بالله يعدون
ياناااس وربي الي يشوفهم يعطي عددهم " 50 " او اقل شوي
ياناااااس وش فيكم
والله لو يحطونها بحواري يكون الحضور اكثر
اسمحولي يا معشر الهلاليين
ماذبح زعيمنا الا غرورنا
وعدم الالتفات لأخطائنا واغفالها
وكلمة حق تقال .
اقسم بالله حضور جماهير النصر " الضعيف فنياً وبكل شي " ضعف اضعااااف حضور جماهير الهلال بالملعب سواء بالرياض وغير الرياض والله اني هلالي وعارف بيطلع لي كم عضو مصاب بغرور ويقول اني نصراوي ولكن مافيه عيب اننا ننافس الانديه الثانيه ومهوب عيب تقول الحقيقه لحد يلعب على نفسه ويقول برد يناااس ترى الي يردون يقولون برد والله فشلونا معقوله البرد يخليك ماتحضر ؟ والله فشيله ياناس هذا رد ترد فيه ؟ بذمتك لو شافك اتحادي ولا نصراوي ولا اهلاوي وش بيقول على الي يردون " ياخي برد " 
اتمنى من كل قلبي ان يكون حضورنا مثل حضور جماهير النصر وكلامي قلته مثل ماقاله رئيس الهلال محمد بن فيصل يوم يقول : " ليت حضور جماهير الهلال مثل حضور جماهير النصر " ومثل ماقال الكاتب الكبير ورمز اعلامنا صالح الحمادي : " لو حضور جماهير الزعيم نصف حضور جماهير النصر لحصدنا جميع بطولات الموسم "
في النهايه .
اتمنى عدم فهم موضوعي بالخطأ
وانا اعتب عتاب محب وهدفي المصلحه اولا
واتمنى من ادارة المنتدى عدم حذف مواضيعي كما هي دائما فالموضوع لم يخدش اي قاعده من قواعد المنتدى والمكتوب فيه ذكره الحمادي بالاعلام ورئيسنا ايضا
شاكر للاداره والاعضاء
ااااه يالزعيم
