السلام عليكم ورحمة الله وبركاته
ازيوكو يا حلوين ؟

هذي سالفه صارتلي يوم انا في ثاني ثانوي اذا ماني غلطان
جالسين انا وعيال عمي نشوف فيلم ارهابي
وتدرون وشو فيلم ارهابي ؟؟؟
مهو حق عادل امام
لالالالالالالالالالالا
حق التفحيط .................

على العموم
شفته وتحمست اني افحط >>> يا الزاحف
والمشكله اني ما اعرف افحط بس قلت الي يفحطون مهم احسن مني .......
واقوم اشلح سيارة البيجو موديل 87 يمكن او 88 يعني حولها ولا تراها بعد بوكس
يعني على بلاطه مدرس خصوصي
" شاريها جدي من ايام زمان وورافض رفضا قاطعا انه يبيعها بس بالاخير بعناها السنه الماضيه ب 2000 راحت وراحت معها الذكريات"
وعيال عمي يحاولون انهم يمنعوني
وانا بصراحه خلاص ابي انفجر ابي افحط هيضوني هالدشير الي بهالفيلم
واقوم الله يسلمكم وامسك اول الشارع وهوشارع ......... كان شارع مشهور بالتفحيط في حي الملك فهد " تم تشفير اسم الشارع لأنه حول بيتنا وماله داعي يكون واحد من شيابنا الموجودين بالحاره موجود بالمنتدى ويقراها ويعرفني >>> مسوي مشهوور الله يهديه "
واكمل لكم السالفه
امسك اول الشارع واحطها بالاول وما تسمع الى صوت الكفارات
ولما وصلت الى الفه الي ابيها
اسحب الجلنط واردها في الثاني
وادخل ذيك الدخله مع اللفه وبعدين ...............










طيرت عامود قف كان موجود هناك

وانزل من السياره " >> ما قد فحط ويوم فحط صدم حظه شين "
والا السياره منعدمه وعليها بويه صفره من اللوحه .....
والصدمه كانت على الباب الي وراي وانكسر الزجاج ودخل كل الباب الى جوى
ولا حدك على لوحة قف لقيتها طاريه وداخله البراحه ......
وبعد مشاورات من الكونغرس والبيت الابيض قررت اني ادفن اللوحه في الحوطه الي جمبنا
ولا احد درى عنها ..... " لا تعلمون الشرطه تكفون "
وبالنسبه للسياره صرفتها وقلت حدي واحد وطيرت زباله صفراء قديمه لكذا طبعت البويه

وكل واحد يكتب تجاربه مع الدشره والدشير ان كان فيه ايام المراهقه .............
ودمتم سالمين