هلا بك شذى ..


انا اشوف العكس ان شاعر المليون اجابياته اكثر من سلبياته ..
الموسم الماضي صح كانت فيه النزعه القبليه واضحه ..
لكن كان هو اول موسم للبرنامج .. وعشان كذا الموسم هذا ..
منعوا القصائد اللي فيها مدح للقبيلة والا طلب فزعه (( على حسب ما سمعته وقرأته في اكثر من موقع )) ..!
شاعر المليون يكفينا انه فكنا من المجلات وسخافتها ..!!
اعطى فرصة كبيرة لكثير من الشعار انهم يطلعون للساحة دون الحاجة (( للتمصلح )) مع رئيس تحرير وخلافه ..!
ومن الشواهد على الشي هذا كلام محمد اليامي في موضوع حلقة شاعر المليون الاخيرة اللي طرحوها الاخوان هنا في المجلس العام ..
هذا مهوب بس كلامه هو .. لا كلام الكثير من الشعار اللي مالهم ولد عم في السوق ..!!

ليش نركز على السلبيات اذا كنا نشوف ان الايجابيات من البرنامج اكثر ؟؟!



وبالنسبة للفراعنة .. تراه هو يكتب على الوزن اللي ذكره الدكتور ناسيه والله ..
لاني العام سامعه بنفسي في لقاء معه في قناة نجوم وهو يذكر الشي هذا ..
ودايم اغلب قصائد الفراعنه صعب انك تفهمها من اول مره ..
وهذي من مميزاته انه يخليك تبحث عن تفسيرها .. واستعراض لقدراته الشعرية ..
وقريت شرح وتفسير لقصيدته الاخير .. اعجبني كثير .. واذا حبيتي انقله مستعد ..
وفوق هذا متمكن ومبدع بالشعر الفصيح بشكل خيالي ..!!

إقتباس بس الباقي وين يروووح ..؟؟

الباقي يروح تكاليف الاخراج واستقبال الضيوف ومصاريف البرنامج مع الفائض اللي يروح لهم ..!
ابسط حقوقهم انهم يبحثون عن الربح ..!
لكن بالمقابل الناتج من البرنامج اشوف انه اكبر بكثير من كم مليون يطلع لهم عليهم بالعافية ..!
مدري ليش تذكرت سوالف برامجنا اجل تصويت افضل لاعب بالمباراة !!
هذي اللي من جد عار ..!!