alhawey

هلا بك يابعدي ..
ماتدري وش كثر فرحتي يوم شفتك كاتب موضوع ..

صحيح اني من الناس اللي تتابع شاعر المليون وبشغف حتى من الحماس عادي اشوفها ثلاث او خمس مرات او كل الاسبوع لين تجي الحلقة الجديدة بس هذا بشرط انه يكون فيه شاعر اعجبني

وانا من الناس اللي منب اتابع القضايا الاجتماعية .. ولسني احبها ..
واكره ما اشوف السوالف فيها .. لانه بكل صراحه تضيق صدري ..

اعترف انه غلط .. لانه اذا حنا ما اهتمينا بهمومنا ومشاكلنا محنب قادرين نعدل وضعنا ..
لو كل واحد منا صار تفكيره مثل تفكير صدى الامس عز الله رحنا ملح ..

لكن انا واعوذ بالله من كلمة انا .. اقول في نفسي ..
لو تكلمنا من هنا الى بكره فيه احد يبي يسمع ؟؟ فيه احد يبي يحس بالمشاكل ؟؟
فيه احد يبي يهتم بالقضايا ؟؟ فيه احد يبي يحاول يعدل الوضع ويشوف وين الخطأ ويصححه ؟؟!!

الجواب لا .. وان تواجد هالشخص ماله صلاحيه وحتى لو كان بيده صلاحيات اصحاب القلوب السوداء ما يخلونه يطول ..
ومافيه التفاف الا بعد ما يطيح الفاس بالرأس وتكبر المشكلة وتستفحل وتنتشر بشكل كبير !!
عقبها يحاولون يصلحون المشاكل لكن بعد وش ؟؟ بعد خراب مالطا ..!!

ادري وانا عارف انه غلط .. لكن دايم اسأل نفسي ..
لو تكلمت يا صدى وش تبي تستفيد ؟؟ وش تبي تجني من هالشي ؟؟
منب مستفيد الا هم فوق الهموم اللي انا فيها ؟؟!
منب مستفيد الا انه يضيق صدري فوق ضيقة الصدر اللي انا فيها ؟؟
منب مستفيد شئ ابد ؟؟!

هذي وجهة نظري الشخصية ..!!
صح واعترف انها مهيب لم سنع .. لكن لي اسبابي وذكرتها ..!!

إقتباس * ماجد مقبل، خالي من الهم، ابوريمان ، صدى الأمس، فياض، فرصه ضايعه ، الهنوف البعض منكم ذكر لي كلاماً مقنعاً بخصوص العلاقة بين الأعضاء ، والبعض الآخر يسأل عني بكلماتٍ لا أستحق نصفها، فشكراً لكم من القلب ..

انت راعي الاوله يالغالي ..


alhawey لا تحرمنا هالطلة لا عدمنااااك يابعدي ..

تواجدك يعني لي الكثير وربي شاهد علي ..