الكذب التقني ! .. لا كاشف لا فاضح !
السلام عليكم ورحمة الله وبركاته
× .. ×
أعلم يقيناً تقصيري بحق الشبكه عموماً والمجلس خصوصاً لكن الظروف هي من تحكم تواجدي هنا ,,
× .. ×
موضوع شغل ذهني شوي والسبب اليوم زرت " سبيسات " لبعض الاشخاص تقريبا التشابه الوحيد كان في الكذب ! على الرغم من إختلاف توجهات وإهتمام ومستوى التفكير لديهم ..
اشخاص أعرفهم تمام المعرفة على الطبيعه , اعلم ماهم وماهي افكارهم وماهو منطقهم بالحديث , هم عاديون جداً , لكن في السبيسات والمنتديات أراهم خلاف ذلك التمام , فهم الرائعون جداً لا يوجد بهم عيب سوى طيبة القلب والصدق !
إذا كانوا يعلمون أنهم ناقصين لماذا يكملون النقص على الانترنت فقط ! لم لا يكون التغيير يبدأ من الواقع ومن داخل النفس حتى يصل لمن حولهم ويشعروا انهم حقاً كما يقولون !
شعارات مزيفة , اهتمامات مختلفه عن الواقع , معلومات خاطئة , تظاهر بالطهر والبراءة
يآآه ..
ملييت من كذا ..
ليه حنا كذا نهتم بالاطار والصورة شينه ؟
...
× .. ×
اللي وصل هنا وفهم وش أحكي عنه يرد !
اللي وصل وفهم ولا رد فهو من اللي أتكلم عنهم !
~~~~~~~~~~
واحد من اللي أحكي عنهم من يوم عرفته بالنت وأسمه خالد , مايدخن , ولا له بحركات الخرفنه
بريء مررة , طبعا من الرياض
ولما عرفته على الطبيعه صار أسمه علي ويدخن بشراهه ورسائل الجوال شي ثاني
ولا هو من الرياض ..
~~~~~~~~~~~~~~~
 | إقتباس |  | | | | | | | | | |
من مده طويلة تراودني نفسي اني اسوي سبيس لكن السؤال اللدي دايم يدور في رأسي ليه اسوي ؟ ولمين ؟ وهل فيه متابعه ؟ لكن وعلى الرغم اني ما جاوبت على السؤال , الا اني توكلت على الله وسويت سبيس من يوم سويته إلى اليوم ما اضفت عليه أي حاجه .. نفس ما سويته نفس ماهو عليه الحين ,, واليوم اخذت لي لفه على كم سبيس .. شفت العجب العجاب .. ناس قريب مني اعرفهم مثل ما اعرف اسمي واعرف اطباعهم وكلامهم ,, لكن فررق واجد لما يكتبون بالسبيس عن لما يحكون بالواقع .. ناس تكتب معلومات غلط × غلط ولا همها ,, ناس تمدح نفسها وتقول عنها اشياء لا تمت للواقع بصله .. والله انصدم بين اللي اشوفه على الواقع وبين اللي اشوفه على النت .. ما اعرف وش السبب .. اذا كانوا ناقصين طيب ليه مايكملون انفسهم على الطبيعه مو على النت حيث لا مجال لكشف الحقائق .. بعد هالكلام لحد يحاسبني على اي شي مكتوب في سبيسي سواء كان صح او غلط او لا يمت لشخصيتي الواقعيه بشي .. ما يوجد في هالسبيس نسخة من السبيسات الثانية ,, نفسي لا اعلم إن كانت المعلومات المنشورة عني هنا صحيحة ام لا .. لكن المووت مع الجماعه ارحم .. | |  | |  | |
^^
نسخة من ما ورد في مساحتي ..
~~
m
