| أهلين أختي ميمي ....
هذي قصيده تعجبني لبشاير أسمها( ودي أنسى )
ودي أنسى
ان قلبي كان مرسى
ترمي جروحك عليه
كل ما مريت فيه
بعدها .. ترحل وتقسى
! ودي أنسى
كان هالشارع ظلام
وكان بالسكه رصيف
دايم تجلس عليه
كنت اشوفك من بعيد
حاير بصمتك وحيد
وكنت ألمح فالسما
دخان طاير
من غيومك
واتحسس فوق خدي
دمع حاير
من همومك
تبتسم صوبي تنادي
لي تنادي!!؟؟
ما أصدق .. لي؟
تنادي
وليه تنادي؟
وانت ناسيني وغادي
! ودي أنسى
إني في ليله بكيت
يوم جيتك مادريت
انك تنادي علي
لجل تسألني عليك
عن عيونك .. عن جنونك
عن ألم جرّح جفونك
عن حبيبة قلبك اللي
للأسف كانت تخونك
! ودي أنسى
إن قلبي كان مرسى
ترمي جروحك عليه
كل مامريت فيه
بعدها ترحل
وتقسى
! ودي أنسى
بشـــــاير الشيــباني | 