كنت قاعد اقلب القنوات بالتلفزيون وحطيت على اي ار تي المفتوحه واشوفهم جايبين خيمه عشان احتفالهم بكره شرقي يقدم - والله وماقالت - ومعه مدني رحيمي وواحد ثاني مدري منهم مسؤول اللجنه الاعلاميه, المهم كل شوي يجيبون مقاطع من بطولاتهم الي حققوها ولقطات من مبارياتهم والي من جد خلاني اموت من الضحك انهم ماكانوا يركزون الا على مبارياتهم ضد الهلال واقسم بالله لا نهائيه ولا شي بس لانها مباريات الهلال ليش ماادري!!! يعني نسوا الفرق الثانيه وماجابوا الا لقطات لهم ضد الهلال وهو يفوزون ليش ماادري!!! الهلال جايب لهم الصمرقع حتى في يوبيلهم...
تبون تضحكون؟؟
طيب ولا تزعلون خذوا هذي , في المؤتمر الصحفي الفوضوي بكل معنى الكلمه والله الي حضر فيه الاعبين ريفالدوا وليوناردوا ومالديني و ربعنا في الاتحاد جايبين مترجم مدري من وين والله ماعنده الا التبن المهم قام الاعلامي الكبير المعروف غازي صدقه وطلع لمكان الاسئله وقال انا الحقيقه ابغى اوجه سؤالي لمدرب ميلان والمدرب اصلا ماحضر ولا جا للمؤتمر قام قال له شرقي يا اخ غازي المدرب مش موجود, والله العظيم الضعيف صار وجهه كنه ليمونه ابو زهير طلع وجهه كنه قوس قزح من الحرج , قالوا ايش قالوا مؤتمر صحفي فضحتونا الله يفضح شياطينكم , والي يقهر اكثر اسئله هالصحفيين الي مدري والله من وين جايين وش يقولون؟يسألون يقولون وش رايكم بنادي الاتحاد؟ وثاني يسأل من عجبك من لاعبين الاتحاد؟ الظاهر الاتحاد برشلونه وانا ماادري!!! ويقوم صحفي غبي ويسال وش رايك بالمنتخب السعودي في كاس العالم؟!!! بالله عليكم هذي اسئله اعلام؟!!!
يامن شرا له من حلاله عله بس
