السلام عليكم ..

مع احترامي لك كيف سعرت الاغراض ؟؟

مافيه تي شيرت في العالم بـ 50 ريال الا اذا كان تجاري !! تبيه يحط شي مضروب ؟؟

والشنطة بـ 40 ؟ يا اخي حرام عليك الله مايرضى الظلم شنطة المدرسة ماتجي بـ 40 ريال !

عموماً بعض الاخوان ينسى ان الاغراض ماركة رياضية معروفة وهي اديداس واي ماركة ماتكون اسعارها بالشكل اللي قلته الا اذا كانت مضروبة وتجارية .

ولا ننسى شي مهم ان قيمة الشنطة الاساسية في مناسبتها مو في تسعيرتها يالشيخ ! المسألة مو مسألة تسويق اغراض المسألة معنوية اكثر منها مادية , ليش نشوف في بعض المزادات العالمية ناس تدفع مبالغ بالملايين لـ سيارة موديلها 80 لمجرد انها كانت للشخص الفلاني .

وبعض الاخوان يقول لو ينزل قيمتها الكل بيشتريها وانا اقول لو ينزل قيمتها نزلتوا نفس المواضيع وسويتوا مشكلة لين يخليها بلاش ! ويمكن مايعجبكم بعد .

وعلى العموم ترى اللي مامعه قيمة الشنطة مو ملزوم يشتريها ومالها داعي كل شوي والثاني منزلين لنا موضوع ياسامي غالية شنطتك وياموبايلي غالي جهازك .

وانا في انتظار نزول الشنطة وراح اكون من اول الناس اللي تشتريها ان شاء الله

مع التحية ..