السلام عليكم
اخباركم؟ ان شاءالله طيبين ومرتاحين من بعد الهزيمه
انا الصراحه من امس وانا ابي اكتب موضوع ويمكن هذا الموضوع الاول لي منذو اشتراكي في الشبكه
بس يوم شفت امس المهزله الكرويه والبربسه على قولة اخونا السامي معد قدرت اكتم اكثر من كذا قلت لازم اكتب
بس امس ماقدرت اكتب وانا معصبه قلت نخليها اليوم
وبسم الله
اخواني واخواتي لازم نتفق مع بعض ونحط النقاط على الحرووف
بكل الصراحه مايهون علي الهلال مهما كان ومهما صار
الهلال فوق كل العواطف اللي نحملها لشخص نفسه
اذا عرفت ان اي شخص لايستطيع ان يقدم شي للهلال المفروض نقوله كفيت وفيت وماقصرت بس الله يسلمك ابتعد عن الهلال لان مصلحه الهلال فوق كل شخص موجود في نادي نفسه
انا اطالب اولا بكل سرررررعه تكوين اجتماع للاعضاء الشرف وبدال مايجتمعون على هوساوي ومدري مين المفروض
يجتمعون لتشكيل رئاسه جديد بدل الامير محمد بن فيصل لان صدق محمد بن فيصل معد يقدر يقدم اي شي
لصالح الهلال ماننكر انه قدم كل شي للهلال السنوات لي راحت بس الحين محمد بن فيصل يتفلسف فلسفه زياده عن الزوم
ويخلي عنا الخرابيط الصراحه اللي يسويها بأنه يحظر هوساوي بـ 12 مليون والمشكله وربي عندنا لاعبين قسم
احسن من هوساوي بكثير بس المشكله صرنا مثل الاتحاد نجيبهم ونخليهم في دكه الاحتياط ليه مدري؟؟؟
وربي الامير ترى اتوقع معد يدري وش قاعد يسوي الحين ..!!
عشان كذا يايقدم الاستقاله من نفسه لانه اصبح غير مرغوب فيه والا انهم يقيلونه
ثانيا/ طلب احضار طبيب نفسي للاعبين مثل نادي الشباب جابوا للاعبين طبيب نفسي وشوفوا ماشاءالله كيف المتعه والفن في العب ماشاءالله
ثالثا/ لازم نرفع من معنويات الاعبين وحتى لياقه عندهم التايب امس ماكأنه موجود ابد لان عنده اللياقه معدومه وتقريبا كل اللاعبين الا القله جدا
رابع/ واتمنى اراحة ياسر خصوصا عقب اللي صار له اتمنى اراحته عشان هو يفكر صح ويرجع ياسر اللي نعرفه
واخيرا..
ياادراه ياااااااعضاء شررررررررررف وبالاخص الامير بندر بن محمد انقذ الهلال قبل مايغرق
المدرب قسم انه ممتاز بس هو يبي لاعبين بس مالقى من يعطيه وجه
اتمنى صعود لاعبين من الاولمبي وحتى لو من درجه الشباب بس تكفون انقذوه
واتمنى من الامير محمد بن فيصل يذهب ونحن نعزه قبل مايذهب ونحن نكرهه
اتمنى كل الاماني للهلال بأن يعود كما كان يمتعنا بفنه في الاداء
وللمره المليون اقولكم الهلال بحاجه لطبيب نفسي عشان يرجع زي اول واحسن
واسفه على الاطاله واذا كان في الكلام تخبط فالعذر والسموحه لاني بصراحه اول مره اكتب موضوع
وشوي مرتبكه<<تكتب قصه حياتها
يالله فمان الله
والله يعطيكم العافيه يارب
اختكم:
هلاليه وكلي فخر
