اجل طياره خاصه اجل؟؟؟
السلام عليكم يازعماء
بصراحه اللي خلاني افتح موضوع وخلاني اعبر عن مابداخلي
هو مباراه الهلال والاهلي الاخيره
كلنا شاف ياسر في المباراه ضايع الهويه مايدري وش مركزه يرجع للوسط ويستعرض ويتفنن ويمشي ويطيح ويبي فاول ويبي بلنتي وكل شي يبيه
واذا جت الكوره داخل الصندوق ماتلقى ياسر واذا لقيته اما يسوي دبل كيك او يبي يسحب بالمدرب من شدة الحرفنه
يعني بالله هذا المستوى بيخلي مانشستر سيتي يبيك
لا ويقول انه رفض العرض وانه خلاهم يتنازلون عن شروطهم وبيرسلون له طياره خاصه
على مين ياشاطر قاعد عندهم اسبوعين تتميلح عشان يوقعون معك ويوم مابغوك قلت انك انت اللي رفضت
نرجع للمباراه كلنا شاف مالك وش سوى بالدفاع كله
يعني مالك توه راجع من اصابه ابعدته عن المشاركه ومع ذلك اثبت انه افضل مهاجم سعودي
في حين ان ياسر توه جاي من تمارين اوروبيه وجائزه افضل لاعب اسيوي ومستوى سئ
بالله مين اللي يستحق الاحتراف الحين ياسر او مالك ؟؟؟؟؟
ترى الغرور ياياسر يدمر اللاعب ومنتب سامي عشان تصير كامل الاوصاف
سامي واحد ياياسر وابعد عن الغرور لان الهلال يبي يستفيد من فلوس اغلى صفقه
انا عارف بيجي احدكم ويقول كلام ماله اول ولا تالي لكن هذا اللي بخاطري عشان الهلال مو عشان اسم معين لو كان من كان
| 