قصيده خلف المشعان في شاعر المليون
إن غبت جبت وعادتي لاغبت ماارجع بالهزيل
ان جبت اجيب اللي محد بالشعر قبلي جابهـا
على سبيل اهل المثل ماني مثل اهـل السبيـل
اللي معاني حضورها تشبـه معانـي غيابهـا
تعشقني الفكره ..بكر..واقهر بها الوزن الثقيل
اللي بنات افكارهـم مبطـي رميـت حجابهـا
لا المستحيل يردني ولا ابـن عـم المستحيـل
ياماكسرت القاعده واخلفـت وجـه اعرابهـا
مهما بلغ كثر العدد يبقى بنظـر عينـي قليـل
مايغلبـون التغلبـي قـوم عطـت مضرابهـا
ايه الشجاعه تغلب الكثره وانا اعطيك الدليـل
الذيـب يـدرع بالغنـم ولا يحسـب حسابهـا
لو كل من اسمه جميل من العرب يطلع جميل
كان أكثر اسماء العرب تحمل صفات اصحابها
ماينعم بظل النخيل اللي تحت جـذع النخيـل
الشمس تصقع هامتـه حتـى يحيـن غيابهـا
ولا طولت عمر أدمي قولة عسى عمرك طويل
طول العمار وقصرهـا رب العبـاد ادرابهـا
رح ردها عني وانـا بأكبـر عواقبهـا كفيـل
ان كانهـا كذبـه فأنـا بيـن العـرب كذابهـا
ان الشجاعه تغلب الكثره وهـذا اكبـر دليـل
الذيـب يـدرع بالغنـم ولا يحسـب حسابهـا | 