|
اللهم واجعل من اراد بالزعيم شرآ فأشغله بنفسه ياااااااارب!!! كتبت مابخاطري وبس...
لأجل الزعيم سأكتب
سأقول مايجول بخاطري وبدون اي تجرد او تحافظ...
سأتكلم بالعاميه افضل لي ولكم...
انا من يوم سمعت ان ياسر بيحترف وبيطلع للدوري الانجليزي
وانا تسرح بي الافكار يمين وشمال واكثر شئ وقفت عندهـ
وشد انتباهي صحيح تذكرت من خلال مطالعتي للصحف وبالتحديد
قبل مباراة الهلال والاتفاق والمبارة اللي بعدها اللي هي مباراة
النصر وشدني كثير موضوع عنوانه
ياسر يرفض الراحه ويطلب المشاركه في المباراتين ويطالب
وبشدهـ بهذا الطلب...
وانا وغيري من المشجعين البسطاء قلنا وبصوت واحد لله درك
يابو سعيد لنتفاجأ بين ليلة وضحاها ان ياسر بلندن هو والريس
والمصيبه والطامه ان كبار ورجال الهلال لم يعرفو بهذا الشئ
وهذا الخطأ الفادح هل يُعقل ان يُذهب بياسر بهذا الشكل وبهذا
الوقت ياناس ياعالم تبون تأيدون أيدو براحتكم مانقولكم لآ
نقول لآ على التوقيت نقول لآ على الطريقه نقول لآ على المبلغ
كل الكلام لآ مااتوقع فيه (( ايه )) يااخوان انت اذا بغيت شئ اي
شئ من خصوصياتك تروح للاسواق التجاريه والا الاسواق
تجي لحدك بالبيت....!!!
تأيد احتراف ياسر اقولك طيب عندك بديل...!!!
بتقولي العنبر بقولك توهـ راجع من اصابه ومستحيل اقارنه فيه...
بتقولي احمد الصويلح بقولك الله يشفيه الرجال مصاب وحسب
التقارير الرجال مو لآعب هالسنه...!!!
بتقولي الخراشي بقولك من متى مالعب وكم يبي له على شان
يدخل بجو المباريات...!!!
بتقولي الكلثم بقولك الرجال مرهـ جناح ومرهـ راس حربه...!!!
اقسم بجلالة الله العلي العظيم ليس مستفيد من هذهـ الصفقه
سوى الأصفرين...
مدري وش اقول ولاادري وش اكتب اقسم بالله ماني بمصدق
على اللي جالس يصير بسيد أسياد آسيا وكيف يُدار...!!!
اقسم بالله راح نندم كثير...
ياللي تقولون مصالح الكرهـ السعوديه ياسر يحترف برى
لو مااحترف بيسكر الدوري عندنا...!!!
لو مااحترف بيتغير وضعنا والله زي مااحنا خلو عنكم الكلام
المردد والمفروغ منه...!!!
الهلال كبير بياسر وبدونه راحو اللي اكبر من ياسر
سامي الثنيان التيماوي النعيمه فيصل ابو ثنين
كباتنه اعطت الهلال مثل مااعطاهم وليس العكس مثل ياسر...
ياسر ياجماعه اخذ كثيييييييييييييييييييييييييييييييييييييييييييييييييييييييييييييييييييييييير
وعطى قليل والله قليل والله قليل والله قليل والله قليل والله قليل والله قليل
اشياء كثيره بخاطري ودي اقولها لكن خلوني اسكت بس.
سبحانك اللهم وبحمدك...استغفرك اللهم واتوب اليك...
اللهم واجعل من اراد بالزعيم شرآ فأشغله بنفسه ياااااااااااااارب.  | 