| يا اخوي انت تقول انه قال مابي الهلال وتسأل وتقول وين حبك يا ياسر للزعيم
وأنا أقول لك من حقه انه يفكر بالاحتراف
ولو انا من اعضاء الشرف كان ما خليته يروح وخصوصا في الوقت هذا , لأنه جاء خبط لزق وبين ليله وضحاها.
والمشلكة انهم ما رتبوا اوضاع الفريق من شان يستغنون عن ياسر لأن ليلو ماندري عنه للحين ومستحيل تحكم على لاعب من مباراتين او ثلاث.
أخيرا اخوي أقول إن ياسر يكمل الدوري هذا ويحترف من الموسم الجديد , لأن الهلال ماراح يوقف على ياسر او غيره لأنه راحوا كثييير اكثر موهبه من ياسر واكثر خدمة من ياسر ومع ذلك ما تأثر الزعيم.
وإذا راح الله يوفقه ويسعده حتى ولو انه ماحقق للفريق الشئ الكبير اللي انتو متأملينه منه.
اذا راح صدقني بيرد للهلال بعد ما يخلص تجربته.
ومثل ماجاء للهلال وهو محقق السداسية بيرد من الاحتراف الخارجي وبيلقى الزعيم محقق السداسية وبإذن الله من ضمنها الآسيوية وبطولة العالم للأندية.
مهما صار ومهما حصل ياسر نقدره ونحترمه مثله مثل غيره من نجومنا ولكن يبقى همنا الأول والأخير هو الزعيم
وياليت نقلل من المواضيع هذي ونفكر بالهلال لأن مواضيع ياسر ماليه المنتدى مابين لوم ياسر ولوم اعضاء الشرف
نبي مواضيع هادفه تخص مسيرة الهلال في الدوري ونبي نتكلم عن مباراة الطائي بعد يومين ...!!!!!
المباراة بعد يومين وحنا نتكلم عن ياسر ومانشستر سيتي !!؟؟؟
روحوا لمنتدى القناص ولا لمنتديات مانشستر سيتي..
ولعلمكم لو يجينا مانشستر سيتي ذا صكيناه بالثلاثه... ودمتم..  | 