كلامك عين العقل يا العشق الهلالي وحقيقه اني قرأت الموضوع كاملا وقرأت ايضا جميع الردود عليه صحيح ان الهلال يحتاج للاعب يكون مقياس للفريق يعني الترمومتر يعرف متى يهبط المباره ومتى يحركها ومتى يوزع على الاطراف ومتى يوزع ( انت وظميرك ) صحيح في مبارة الوطني ومبارة الاتحاد ومبارة النصر ومباراة الاتفاق كنا نفتقر الى صانع اللعب يعني من طراز طارق التايب
يا شباب التمياط ليس في مستواة وليس في الانديه السعوديه حاليا لاعب صانع االعاب الا محمد نور الكثير يقول وين راح الشلهوب صحيح وين راح بس الشلهوب لاعب طرف ليس لاعب وسط حقيقي يعني خلف المهاجمين انا اقول التايب مكسب حقيقي للفريق فهو العمود الفقري للهلال واتركوكم من اسطوانه الهلال لايتأثر من رحيل اي لاعب هذا الكلام صحيح والكلام هذا كان في الماضي ايام ماكان عندك الثنيان والتيماوي وابوثنين وسامي الجابر والغشيان والتمياط ( اخوان ) شف الاسماء اللي ذكرتها وهي ما تتعدا 10 اسماء ولو تلعب مع المنتخب مو مع الهلال قلبت النتيجه يعني كلمه مايتأثر الهلال بغياب اي لاعب هذا كان زمان بس الحين شفنا غياب التايب كيف يؤثر على الهلال حتى لو خرج الهلال في بعض مباريات فائزا فهو يلعب باسم الهلال يعني كمايقولون شخصيه البطل ولكن اذا جينا للواقع الهلال يفوز بهذه المباريات بشق الانفس يا شباب الحين في فتره توقف صحيح يعني نصبر على التايب ويكون العلاج بتأني وليس ( مش حالك ) كمافعل طيب الذكر برنابوك سابقا مع الهلال الان فترة توقف ومن ثم بطولة الامير فيصل يعني لايلعب التايب الا بعد بطولة الامير فيصل واعتقد ان المدة كافيه لتجهيز التايب طبيا ولياقيا بشكل صحيح
اتمنى من الادارة ومن الجماهير عدم الاستعجال على التايب حاليا وسرعة تجهيزه طبيا بشكل سريع ومكثف لان ذلك سيكلف الهلال وسيكلف التايب الشي الكثير وكما اتمنى من الاداره صقل موهبة الفريدي حاليا وارساله لاحد الانديه الاوربية حاليا وبشكل سريع ليستفيد الهلال ويستفيد اللاعب منها في المستقبل لان حقيقه وضع اللاعب حاليا لايبشر بالخير فالجميع يشاهد مستوى التمياط وغياب التايب ومع ذلك يبقى الفريدي خارج التشكيله لماذا .؟
الفريدي لاعب على مستوى عالمي ومستوى رفيع بس ينتظر الفرصه والصبر عليه بأكثر من مباراة واعطوه ولو 20 % من صبركم على التمياط والمفرج والعنقري والياس والبرقان والعتيبي وشاهدوا الفريدي كيف سيصبح انا شاهدته العام الماضي في درجه الشباب وايضا في بعض المباريات التي لعبها مع المنتخب حقيقه اللاعب يمتاز بفكر عالي في التمرير رغم صغر سنه ووانا اقول امنحوه الفرصه والصبر ومن ثم احكموا عليه وباذن الله سيصبح افضل لاعب وسط في المملكه وربما في العالم العربي ومن يدري يمكن يشاهد يلعب في احدى الدول الاوربية وفي احد الانديه العريقه . لان بصراحه اللاعب عنده مواهب كثيره بس يبي من يصقلها له .. لاني بصراحه وبدون تعالي اشوف الفريدي في نادي غير الهلال وبالتحديد خارج السعوديه مدري ليش .؟