الموضوع: ][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][
مشاهدة مشاركة بصفحة مستقلة
  #1  
قديم 16/12/2007, 04:23 PM
الصورة الرمزية الخاصة بـ S U L A I M A N
S U L A I M A N S U L A I M A N غير متواجد حالياً
مشرف سابق بمنتدى الرياضه العربيه والعالميه
تاريخ التسجيل: 30/08/2003
المكان: الرياض
مشاركات: 7,618
كل ماقلت هانت .. جد علمن جديد ..

اللهم اني لا اسألك رد القضاء .. لكني اسألك اللطف فيه ..


مباراة الأمس .. أو اليوم .. كانت من أجمل وأفضل وأقوى مباريات البارسا .. أقدر أقول الموسم الماضي + هالموسم .. صحيح لعبنا مباريات ممتازه سواء الموسم الي راح او هالموسم .. لكن كلها قدام فرق أقدر أقول انها عاديه .. لكن تفوز قدام فالنسيا بهالمستوى وهالنتيجه .. أمر جدا مفرح صراحة .. صحيح مستوى الفالنس مهب هو الي نعرفه وفيه غيابات مادري مين لكن اهمهم فيا بالاضافه الى مدربهم .. لكن أيضا البارسا مالعبوا بكامل نجومهم .. أيضا الفالنس اعتقد الحين مفروض يتعودون على الحال الي هم فيه .. كم مباراة لعبوا مع كومان ؟ .. يعني يمديهم يتأقلمون مع بعض .. بالاضافه الى ان الغايب مدرب .. يعني مهب لاعب مؤثر او شي .. يعني تأقلم الاعبين مع بعض ما تأثر بشكل كبير .. صحيح التكتيك تغير نوعا ما .. لكن ماتوقع انه لذيك الدرجه ..

مستوى إيتو أمس صحيح انه فقد حساسية التركيز حبتين .. لكن تبقى حساسية التهديف عنده عاليه وعاليه جدا .. الهدف الأول يثبت ان إيتو مازال على هرم الأفضليه الهجوميه بالعالم .. إلى جانب كم لاعب أيضا .. ولولا اصابات إيتو القويات الموسم الماضي او هالموسم كان قلت انه أفضل مهاجم بالعالم .. لاعب توه راجع من اصابتين قويتين جدا .. يلعب هاللعب ويجيب هالأهداف .. أشوفه لاعب عادي ! .. ماتوقع .. طبعا ماراح يوصل لمستوى رونالدو الي رجع من اصابه ثلاث سنين وصار هداف كاس العالم هالزاحف لكن نقول حاليا أفضل مهاجم بالعالم ..

تمنيت روني امس يكون موجود صراحة .. مستوى دفاع الفالنس يأهل روني انه يرجع لمستواه القوي .. يعني تقدرون تقولون اعطاء ثقه حبتين خصوصا انه لعب كويس آخر المباريات ..

استغربت كثير كثير جدا من ريكارد أمس .. ميسي أحد أهم الاعبين في البارسا الفتره الحاليه وهداف الفريق بـ 8 اهداف .. يدخله مباراة كامله قدام الفالنس ويطلع ديكو لاعب الوسط وروني أيضا !! .. طيب ياخي دخل ديكو وطلع ميسي !! ياخي طلعهم جميع وخل ايتو لحاله وش المشكله !! لعب دوسانتوس مكانه !! هذاك طلعت ميسي قدام شتوتقارت !! .. وش يمنع انك ماتطلعه هالمباراة !! .. حركه جدا عجيبه من ريكارد .. طيب أقل أقل أقل شي يوم انك شبه ضمنت النتيجه .. طلع اهم لاعبينك ياخي !! ميسي ما أصيب الا آخر عشر دقايق على ما أعتقد .. وش يمنع انك ماتطلعه وتدخل بداله دوسانتوس !! .. وين دور المساعد لابارك الله فيه يعني !! ..




إقتباس
الرسالة الأصلية كتبت بواسطة F.C.Blugrana

..][.. " أكثر من مجرد نادي " برشلونة يزيل الصليب احتراما للمسليمين ..][..


فعلا .. ليس مجرد نادي ..


إقتباس
حسب الصحف الايطاليه ، مارتشيلو ليبي هو جنبا الى جنب مع خوسيه مورينهو وأحد أخطر المرشحين ليحل محل فرانك ريكارد مدرب برشلونة .




ليبي فيه أخبار تقول انه احتمال يرجع لليوفي .. تخيلوا ليبي مدربنا !! ..

اخر تعديل كان بواسطة » S U L A I M A N في يوم » 16/12/2007 عند الساعة » 05:36 PM السبب: كرش لي انس بالماسنجر يقولي شل مورينهو ياسبهه :D