هلا ومرحبا .. أخوي الظاهرة ..

خططت فعدلت فنمت <<----- يسمع بالترييش ..


موضوعك صراحة من الطراز النادي .. تشخيص المشكلة بأسلوب مهذب .. وتسلسلي واضح .. يلامس رأي الاغلبية .. ويجعل المهتم للشأن الهلالي .. يتلمّس الجراح !! كلنا يؤمن يقينا لا يخالطه شك .. أن ما حدث قد خـُط ّ باللوح المحفوظ !! ولكن لكلٍ أسباب !!

ويقول نيوتن : (( لكل فعل ردة فعل ، مساوية له في القوة ، معاكسة له في الاتجاه )) !!

وأرى أنه بقوة الهجوم النصراوية ( على الحكام ) !! كانت استجابة العقل الباطني (للكثيري) مساوية للضغط النصراوي على الحكام !! فهو رغم عدالته في احايين من المباراة (والا لن يكون حكما) ولكن (العويل الاصفر ، والنحيب المفرط خارج المياديين وخلف الستار وعليه ، جعلت الكثيري لا شعوريا ، يرا الحق باطلا ويهديهم (بلنتيا ظاااااالما ) كان معاكسا في اتجاهه لتيار العدالة !!


صدقني يالظاهرة ولا يهون الجميع !! إذا ما وضعنا حد لهذه التصاريح (الاستبزارية ) !! سيزيد ذلك من :

- ارهاق نفسيات الحكام !! وانقيادهم لـ الصوت الاعلى !!
- لن يكون لكرتنا طعم ولا لون (وهكذا هي الان ) !!
- سيتعدى التنافس المستطيل الاخضر متجاوزا اياه (لطاولات السخافة ، وجيوب المرتزقة، والتطاول على الذمم )
- فرقة المجتمع السعودي ( والرياضة تردم صدعا لا قوى سياسية ولا اديولوجيات منظمة تعالجه ، ولا حتى تنظيمات عسكرية تداويه !! في الرياضة والرياضة فقط !! تستطيع ان ترقع رتقا !! وتقارب بين طبقات مجتمعك !! ولكن (الوقوف موقف الصاااااااامت الاخرس) تجاه هذه الاقاويل !! سيجعل الاخ يكره اخاه !! وتتحول رياضتنا الى (فتن اهلية ) يستفيد منها ( محبو الاصطياد في المياه العكرة ) !! فاحذوا يا أولى (الالباب) !!

---------------------------


الظاهرة ولا يهون الجميع :

باتسر والا اليوم بالكثير يبي يطلع لك بزرن من بزارينهم هالمتتفخين اللي الكورة بوادي لبن وهو ورا الثمامة .. و اخذ من ناديه فرصة ( للترزز والمهايط) !! ويشحن لك هالجمهور شحن اعمى !! ويرجع لاستراحته , يتميلح قدام شلته ، شفتوني وش قلت !! وكلهم بصوت واحد (( والله انك زاحف طال عمرك )) !!
المخجل في الموضوع :
ان الزملاء هنا من جنسيات مختلفة ، يسألوني وش السالفة عندكم ، ما نشوف الطقاق الا بين (اعلى طبقات مجتمعكم ) !! مالي الا اتنهد واقول الوضع يبي له مثل جراااءة ( سلمان بن عبد العزيز ) !!

والا التطاول على شخصيات لها احترامها وشموخها ما اضن يرضي احد !!


----------------------

برايفت ( جمهور مقاهي ابو هيثم فرع رعاية الشباب ) :

والله موب مدمركم ولاعب في نفسياتكم الا (تصاريح بزارينكم ) !! اربطوا مهابيلكم !! وما اقول الا حسبي الله ونعم الوكيل !!



برايفت للكثيري :

والله مالومك !! لان التصاريح والضغط اللي تواجهه اكثر من (مناعتك الداخلية) !!
ما الومك لاننا توقعناك ( اكبر من ضغوطاتهم وانك قادر تقود المباراة لبر الامان ) لكن لكل انسان طاقة وانت طاقتك ما قدرت تتجاوز (حدة السنتهم )
ما الومك يالكثيري !! لان هالشيء غصب عليك !! انسان يبحث عن تصاريحهم ووش قالوا ووش يريضهم ويحاول عابثا ان يعدل !! صصصصصصصصصصصعبة !! لان لك تفكير داخلي اذا انفصل على تفكيرك النزيه راح تستجيب لصرااااااخهم !! وهذا اللي صار !!