|
جمهور الرياض عفواْ جمهور المجان .. ياما قالوا و ياما توعدوا بـ الحظور .. وفي النهاية حضورهم يكون خجول !!
جمهور الرياض عفواْ جمهور المجان .. ياما قالوا و ياما توعدوا بـ الحظور .. وفي النهاية الحضور يكون خجول !! 
للأسف هذا واقع جمهور الرياض .. عفواْ هذا واقع جمهور المجان
ياما قالوا وراهنوا على الحضور .. وفي النهاية حضورهم يكون خجول ..
من اول نذب على حضور جمهور الشباب وكنا نسميهم جمهور الـ 50 نفر .. وللأسف صرنا مثلهم وأردى
لين متى ياجمهور الرياض هـ الحضور !؟؟
قبل المباراة تلقى ردودهم " أنا أول الحاظرين " !!
ولا جاء موعد المباراة ما تلقى الا كم واحد ينعدون على الأصابع ..
في مباراة الهلال و الأتفاق في بطولة الخليج .. قالوا راح نكون أول نادي يملا ملعب الملز !!
تفألنا وقلنا كفو وهذا العشم ياجمهور الزعيم .. رحنا للملعب وكلنا آمل أن يقول لنا بياع التذاكر " بدري توكم تجون !!؟ للأسف التذاكر خلصت والملعب فل "  !!
رحنا ولقينا بياع التذاكر حاط رجل على رجل ويهش الذباب .. يحتري آحد يجي ويشتري منه تذاكر ..
آقبلنا عليه وابتسم .. ومن زود فرحته بأن آحد جاي يشتري منه تذاكر !!
اذا جمهور الرياض مهوب قدها .. ياليت يطلعون ويقولونها .. بدال ما نسمع " أنا أول الحاظرين " !!
ياجمهور الرياض ..
يوم الأثنين .. ياتبيضون وجيهنا .. أو تأكدون على أنكم ما تستحقون ان الهلال يلعب عندكم كل موسم 11 مباراة !!
وهـ الأسبوع كررتوا أسطوانة " أنا أول الحاظرين " ... " راح نعبي الملعب فل " !!
كلنا آمل انكم تخالفون توقعاتنا .. ويكون حضوركم ينرفع به الرأس ..
غداْ .. يومكم ياجمهور الرياض !!
 | 