إقتباس الرسالة الأصلية كتبت بواسطة غيمة عطش * يا بقتن بالدعيسه = أسألوا الهاوي يعلمكم !؟

ههههههههههههههههههههههههههه

ياشين شناه هالكلمه يعني تصغير للشخص .. وش انت يعني ؟ ماحركت شئ

غيمة عطش وربي ماكنت اتوقع ان هالمثل هذا متداول بين القصمان ومعروف كثير

احسبه بس اللي بالهاك الديار ( الخبوب ) هم اللي يعرفونه بس
انا قصيمي وتحديداً دار العز بريده حول الدعيسه

صراحه احس مافيه شئ باقي كفو ووفو الهاوي وريري والبقيه لكن ابذكر بعضاً منها ..

1 - انفهدز >> يعني ازح قليلاً

2 - طقه به >> ادخله في وسطه

3 - اويلاه >> اداة ترجي

4 - وخر > ابتعد قليل

5 - دوتس > يعني خوذي وهي للمراه فقط

6 - ادعسه > يعني غبه او اختبئه

7 - بهواوه >> بكيفه

8 - يلفز > يخبى في مكان غير مشاهد

9 - يمطرس > يعني يحوس

10 - قوه > هيا بنا

11 - فاردز > يعني ابعد عن

12 - مديعينه >> يعني مضيعينه

13 - هماه >> تاتي بمعنى التاكيد يعني هل فهمت ؟

14 - مابه >> لايوجد

15- به مير نيم > يوجد لكنه نائم
الكلمه هذي لها ذكرى فيني .. بصف ثاني ثانوي كان اللي يدرسني English من أحد المدن المهم قاعد يسالنا عن هذي الكلمه ؟ وفسرناه له .. وقعد يضحك ؟

قلنا ليش ؟
قال اني رايح لخويي ( قصمنجي ) متعرف عليه يقول دقيت عالجوال مايرد ورحت يمه للبيت ابيه ضروري وعاد طلع لي اخوه الصغير .. يقول سلمت عليه وسالته قلت وين اخوك سليمان قال به
مير نيم ؟ .. يقول انا قلتله ماي نيم از فهد احسبه يسالن عن اسمي

تحياتي للجميع .. ورده