نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - واخيـــــــــــــــــــــــــــــراً اسدل الستـــار عن التوقيـــــــع

هامور البورصه · #72 03/12/2007, 10:23 AM

مابغيتي تنزلين الجزء الثااني

ترى الجزء الاول كنت برد عليه وبحرر ردي بس الله يجازي الي كان السبب

خلاني اعصب واحذف ردوودي كلها المهم ماعلينا هالجزء بعلق عليه كله

يعني الله يعينك على سمااجتي

إقتباس


	&&&الجــــــــــــــــزء الثانــــــــــــــــــــــــــــــــــــــي&&& اسعدني حماسكم ومتابعتكم وانتظاركم الله لا يحرمني إياكم واعتذر لو أني طولت عليكم ولا نزلت الجزء إلا بعد مارديت عليكم المهم وين وصلنا ... آخر شي مزرعة التوابل كانكم للحين تذكرون ايه عقب ماطلعنا منها بعد مانصبوا على أهلي مرينا بعد بالطريق محل للألماس والاحجار الكريمة عليهم غلا غير طبيعي ياحليل اسعارنا عندهم ... تفرجنا وطلعنا مصورتهن بس مايستاهلن من ينزلهن وأخيراً وصلنا كاندي نصينا فندقنا ايرلس ريجنسي ... وهو من أفضل الفنادق اللي نزلناها مكانه مميز مرة فوق جبل وماتشوف غير الخضار والجو كان من أبدع مايمكن فيه حركه غريبة أن الغرف بعيدات عن اللوبي واللي يوصلهن ببعض ممر طويل يمكن يبين شوي بهالصورة

اقول انتي تقولين نصينا فندقنا وكنه فندق ابووك

<== يا دلخ هي تقصد فندقهم الي ساكنين فيه اجل الجو
من ابدع مايكوون <== قاعد يصيح كل مايتذكر الترم الصيفي يضيق صدره قسم انه يضيق صدري مع اني
نجحت وعديت 3 مواد بس قسم بالله انه يضيق صدري اني ماساافرت ولا رحت ولا رجعت والي يضيق صدري
هو الحر يع يا شين حر الرياض العالم نايمه الظهريه وانت من كلية لكلية وهالشمس تصقعك صقع

الوعد
الاجازه الجايه ان الله احيانا

وصراااحه الفووندق جوناان يكفي الطبيعه بس يا حلو جوهم بس مهوب جونا

إقتباس

إقتباس


	وهنا وأنا اعبره <<< مايمديكم على اعبره خذت لقطه علويه للوبي شرح ووسيع

من جد مايمدينا على اعبره

بس وش السبب انهم مبعدينها ؟..

إقتباس


	احسن شي انبسطنا منه في الفندق في دورة المياة لقينا رشاش الماء اللي فقدناه في دنبولا وكولومبو <<< أكثر شي يهمهم اطلالة الفندق زي ماقلت تاخذ العقل <<< كل يوم تسنتر بالبلكونه عقب الفجر ومعها كوب كوفي

اجل رشاشات اجل

اما المطل

ماشاءالله عليكم والله شي يفتح النفس وقفي
برووح اصور مطل غرفتي

<== اقول اركد بس

إقتباس


	من رحنا هناك كل يوم نصبح بأناناسهم <<< وهـ يازينا وحنا نحافظ على صحتنا اول يوم رحنا لحديقتهم The Royal Potanical وهي من أكبر الحدايق عندهم وحنا في الطريق لها مرينا على شي مب طبيعي <<< هالبلد ياكثر الأشياء اللي مب طبيعية هذي الله يسلمكم مغسلة ملابس بالهواء الطلق ولا أفضل من هيك بس لاجاهم المطر مدري وين يودونهن

صراااحه ديرتهم تقهر وموضوعك يقهر بس انك تبين تقهرين انك كل يوم تفطرين على انناس

فانا ماحبه ابد ابد سبحان الله من شكله اكررهه عشان كذا

لا تطلعين لسانك اما المطل ( فيس يصيح )
والطبيعه انا اشهد انها تقهر

الحين انا في فصل الشتاء وشمووس تقطع القلب

فرصه ليه موب طبيعي
شي طبيعي تلاقينهم يحطون ملابسهم هينا وين تبينهم يحطونها ؟

ماعندهم مثلنا غسالات تنشف وتضبط

يعني المفروض انك ماستغربتي

ايه والله لين جاهم مطر ايه عشان تدرين بس ان ديرتنا احسن ديره

<=== ايه لا يكثر بس

إقتباس


	المهم ماعلينا وصلنا الحديقه وياهي تفتح النفس من تنسيق فيها وتنظيم بس مخربها أنك ماتلف عيونك إلا وتشوف ذا العشّاق عايشين حياتهم أول مادخلنا لقينا مدرسة اسلاميه مسوين رحلة لطلابهم أول ماشافونا سلموا علينا وقالوا حنا مسلمين ومن هالكلام قعدنا نلفلف فيها وكلن مشى من جهه خذت لي كم لقطه قبل لا تمطر علينا وتربصنا

اجل حديقتهم تفتح النفس يا شباب الرياض تعرفون الحديقه الي على طريق الدايري الغربي وانت رايح شرق
والله يااهي حديقه مافيها الا نخلتين ويقولون حديقه عاد تدرون ليه حاطينها حديقه سمعت ان ناقة الملك عبد العزيز
نوخت فيها

اجل وش يسون العشاق

ماخذين راحتهم بقووه تقول كنهم ببيوتهم <== الي يشوفك يقول معهم

ماشاءالله هذوول ورعان المسلمين والله مؤدبين وامورين واشكالهم حلووه حتى مدرساتهم متسترات ........

ابي افهم ليه تغطين وجيه اخواانك

الحين هذا خالك ولا اخوك

<== ابوك يالقاافه

إقتباس


	فيه لقطات واجد بس فيه شي مايصلح للنشر يوم وصلت هنا بدا المطر يصب علينا اللهم صيبا نافعا ... اللهم على الرياض <<< مقولة خالو

الله يا حظكم ياارب يطيح علينا مطر قبل مامووت ياارب ياارب

<== شايل فكرة انه يجيهم مطر هالايام

الله هالصوره بس تكفي

نبي مثلهم نبي مثلهم <== اقول اركد

إقتباس


	المهم مازلنا نمشي ونمشي ولقينا شي خطير بعد تعرفون الذكريات اللي عندنا ذكريات أبو فلان والحبيب الولهان ومن هالكلام شفناها عندهم بس مب على الجدران على الشجر <<< بلى من كثرهن شوفوا طبعا كتبنا عليها السعوديه وش زودنا عنهم عشان إذا أحد راح منكم يشوفها ترى أنا اللي كاتبتها <<< كاتبين أشياء ثانيه بعد

حركاات اجل عندهم الحب عذااب <== حركات بزران الله اول على كل جدار اكتب الحب عذااب

الحين انتي كتبتي عليها عساك كتبتي شبكة الزعيم فرصه ضايعه وهامور البورصه ترااهم يعرفووني هناك <--

اقول لا يكثر

خلااااااااااااااااااااااص

تعبت صراااحه