الاسد الهلالي : الدعيع كان شوي مهزوز واكيد مانلومه بس ماقصر ...
الدفاع: انا اول مره اشوف الدفاع الهلالي بهالتماسك والصلابة ماشاالله
الزوري... انا من الناس اللي كنت اقول ان هالاعب انظلم كثير لانه بدأ بمباريات اكبر منه ويوم انه بدأ ياخذ الثقة بدأ يتحسن مستواه
المرشدي... اتوقع ان اي عاقل يشوف هالاعب يلعب ويدري انه احتياط اغلب المباريات بيقعد يحك راسة من الحيرة..
تفاريس ..مايحتاج اني اتعب نفسي واتكلم عنة لانه مهب مكفيه اي كلام...
نامي ... ما اقول الا الله يوسعلك دنيا واخره مهب عشان شي بس لانك فكيتنا من الاعاقات اللي كانت عندنا....؟؟!!!كلامي اعتقد انه واضح لاني ما ابي اجرح باحد..

الوسط ..الغنام او(ريدندو العرب ) الله يحرسك من الاصابات قولو امين...
الخثران ماشالله اللي يشوفك ما يعطيك فوق الثلاثين تغطيه تمرير صناعة حتى وهو ما يلعب بمركزه...
الغامدي ...شهادتي فيه مجروحه ولانه اكبر من اني اتكلم عنه ...
الشلهوب ... يعطيك العافيه ما قصرت بس ياليت لو يلعب للهلال زي ما يلعب للمنتخب ما قصرت يا فنان...
التمياط...انا بصراحة بوقف هنا شوي يا ناس لاعب جاته كل هالاصابات بعد ما كان افضل لاعب صانع لعب صرنا اذا جته الكوره ندري وش نهايتها قبل لا يلعبها بس انا عن نفسي بضل احبك يا ابو بندر حتي لو رجعت نواف اللي نعرفه تكفون لا تقسون عليه تراه ما قصر وما يحتاج تقارنونه بالتايب مهما كان ...
ياسر .. ابو سعيد كيف الحال شكلك كنت تهوجس بتشاسي وانت تشوت البلنتي والا الانفراده الا تخلي ابراهيموفيتش يعتزل يعني اقول اركد وركز مره ثانيه لا اخلي المدرب يحطك احتياط ويرجع سعود الحماد ..ياسر زعلت امزح معك... تفداك والله بطولات مهب بلنتي مع الاتحاد...
المبارك... يايليت انه يراجع حساباته لاني اعرفه لاعب فريد من نوعه....
الكلثم... كان ودي انه ياخذ اكثر من هالفرصه القصيره كنت متاكد انه بسوي اكثر من كذا بكثير...
الذياب ..اقول يالريس ما فيه نادي يبي لاعب اعاره والا انتقال نهائي يا يليتك والله ما تحرص على التمارين عشان ما ترفع ضغطنا من جد مدري وش الاضافه اللي سواها..