| مرحبا اخوي الغالي mams
مساءك سعيد وازرق
كثرت الاقاويل في هذا الشان
ومن المعروف ان شايع المسعر هو من اطلق على الهلال لقب الزعيم في قصيده له على وقت الامير الراحل عبدالله بن سعد رحمه الله وذلك اثناء تحقيق الهلال لبطولة الدوري الممتاز 1408 هـ واليكم القصيده :
للكواكب زعـيم والزعيم الهلال ***** وللنوادي زعيم والزعيم الهلال
بالسماء شفت غيم ثم بان الهـلال ***** وانتزع درعها لو بدا به خسوف
للكبير وصغير بان مجد الهـلال ***** موج ازرق يغير ياخصوم الهلال
خصمنا لويطير ماتحدي الهـلال ***** في يده شرعها والخلايق تشوف
يانـجوم البلـد يانـجوم الهـلال ***** سبت والا احـد مايغيب الهلال
شيبها والولد جاء يشوف الهـلال ***** في يديهم علم مع طبول ودفوف
كوكبة من بشر بسم نادي الهلال ***** ماتهاب الخطر لجل نادي الهلال
جت بزين الخبر يامحب الهـلال ***** البطولة لنا صار شي معـروف
كم فريق شكا من فريق الهـلال ***** وكم جفن بكا من نجوم الهـلال
يستحي لوحكا وش عيوب الهلال ***** عيبنا ان البطولات تملا الرفوف
درع خامس هنا وسط نادي الهلال ***** والفرح والهنا عاش عند الهلال
كل جمهورنا باركـوا للهـلال ***** بالحناجر هتف وصفقوا بالكفوف
تحياتي | 