صحيح ان الخروج من الخليجيه لا يرضيني كمشجع هلالي ولكن نقوووووول قدر الله وماشاء فعل
بعيدا عن التعصب وبعيدا عن ذكر تاريخ الهلال والاتفاق وبعيدا عن ماقيل في الاعلام ان نادي الهلال نادي كبير ولا يتأثر بالنقص ......
اقوووووووووول ان
الهلال اليوم ماقصر ولا يمكن انه يكون حاله افضل مما كان
نادي يغيب عنه خمسه لاعبين مؤثرين وهم القحطاني والصويلح والتايب والغامدي والدعيع هل يعقل ان لا يتأثر ؟
والله لو اي منتخب يغيب عنه خمس لاعبين لما كان افضل حالا من الهلال ( ولكم في منتخب انجلترا عبره غياب رأسي حربه فقط كيف كان مستواه وهو منتخب اقوى دوري في العالم )
ولا ننسى ان خالد عزيز بعيد عن المباريات الرسميه مع العلم انه كان مبدع في هذي المباراه
وكذلك نواف التمياط عائد من اصابة الظهر
والعنبر اللي كان من اسوأ لاعبي الهلال في المباراه كان بعيد عن اجواء المباريات وهذي اول مباراه رسميه يلعبها اساسي ولم يلعب طوال هذا الموسم الا عشر دقايق امام الحزم ولولا الظروف لم يلعب هذي المباراة
في مباراة الذهاب عندما كان الهلال شبه مكتمل او مكتمل انتهت المباراه بالتعادل ومستوى هزيــــــــــل جدا جدا جدا لنادي الهلال..... بالامانه هل كان مستوى الهلال في مباراة الذهاب وهو مكتمل الصفوف افضل من مستواه اللي امس ؟
بصراحه ارى ان مستوى الهلال اليوم افضل من مستواه في مباراة
الذهاب
البعض راح يقول ان المباراة الاولى كانت في ملعب الاتفاق وهذي المباراة في ملعب الهلال وبين جمهوره ؟
اقول لمن يقول هذا الكلام اي جمهور تقصد والله ان شكل المدرجات يفشل ومن يوم شفت الجمهور قليل
وانا حاس ان الهلال لن يتأهل
والله ان جمهور الهلال في المباره هذي لم يكن بالمأموووول وكان صدمه للاعبين وكان جمهور الهلال في مدينة الدمام اكثر فاعليه وكان اجمل من جمهور هذه الليله
وبالنسبه للمدرب كوزمين ومن باب الجود من الموجود لا يمكن ان نلووومه
وبصراحه عاجبني هالمدرب لكن الضروف لم تأتيه على الكيف
ففي الاسيويه اصابة التايب ووفاة والدة الشلهوب
وفي الخليجيه كما ذكرت سابقا
وفي الاخير
اقول القدر هو اللي شاء ان يهزم الهلال وهو اللي شاء ان يغيب الخمس لاعبين
وكذلك الجمهور كان مخيب....مخيب .....مخيب....==>> جدااااااا
وقبل ان نلوم اللاعبين المبتعدين عن اجواء المباريات دعونا نلوم انفسنا كجمهور للزعيم
في مباراة خروج المغلوب ودور النصف النهائي ويحضر جمهور متواضع مثل هذا ..........
بصراحه لاتعليق
اتمنى منكم كتابة ارائكم حول هذا الموضوع
؟
ويارب تكون أيامنا القادمه أجمل بكثير من الماضيه
