[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]

اللـــه يرحم حبنا اللي قتلتيه
جفت دموعي والبقا في حياتك
ياللاسف كل الاسف مابكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صلاتك
انتي رعيتي الحب وانتي طعنتيه
توي دريت ان الغدر من صفاتك
انتي شريتي الحب مني وبعتيه
عسى الثمن يكون سبة غناتك
انتي بنيتي الحب وانتي هدمتيه
الله واكبر من يسوي سواتك
انتي رسمتي الدرب بس مامشيتيه
اعماك عن درب الغرام التفاتك
انتي كتبتي العهد وانتي مسحتيه
محاولة تزوير في ذكرياتك
مره لبستي الحب مره فصختيه
هذا الهوى لا تحسبينه عباتك
قلتي احفظه تذكار واقول مابيه
تذكار حبي هو شهادة وفاتك
خلي جمالك ينفعك وستغليه
روحي ورا اللي قالك يا حلاتك
خذي الهوى وياك ليش احتفظ فيه
يمكن يجيله يوم يهدم حياتك
[/poet][sound]http://www.q8top.com/Sh3r/Talal/Allah-yr7m-7bna.ram[/sound]