الله يعطيك العافية يارب
والله هالايام بكثره استغفر الله اشوى ان ربي رزقني بصديقات مثلي ولا لو سولفتي مع وحده بالقاعة شوي شوي تطلع البلاوي لا والقهر لاقالت لك وانتي ماعندك ودي ذيك الساعة اقوم اعطيها كف على وجهاا اول مير الناس تستحي وتخبي الحين عيني عينك واذا قلتي لها لا عمى انا صاحيه قالت عادي بس تلفون وسعة صدر <<جعلتس ماياستاسع صدرتس دام هالشي بيوسعه وعمى
ولا وتبي نفسها انها هي الصح تقولك الناس تطورو <<هنا انا سفهتها وقمت قلت بنت امي وابوي ان سولفت معتس المرة الثانيه من جد حامت كبدي تفكيييييييييييييييييييير مدري وش يبي يعني التطور اني اكلم العقل نعمة
وبعدين سبحان الله دائما اللي يغازل مايرتاح بحياته كله يشك بالناس وبخواته بالذات
اذكر وحده من استاذاتنا بالثنوي تسولف لنا وتقول تخيلو ان فيه بنت هنا بالمدرسه متفقه تطلع مع واحد ووقف بها ابوها وماراحت المدرسه استنته واول ماركبت والتفت لقته اخوها هو مطلع جوال للمغازل واخته نفس الشي
قلنا لها طيب وش صار قالت عاد خلاص مالكم شغل بالباقي
واللي يغازلون ربي يبليهم يابخواتهم يازوجاتهم يابناتهم والبنت عاد انا وحده اعتبرها غبية صراحه لان الكل الحين فهم وعرف اول هاه ممكن تكون ماتدري وتصدق بس مهما كانت الاسباب لو فاقده حنان لو وش ماصار ماتسوي هالشي لانها تعرف مصلحتها وين
والله يستر علينا وعلى بنات المسلمين بس