بسم الله الرحمن الرحيم

السلام عليكم ورحمة الله وبركاته

مسائكمـ/صباحكم عسل

انا والله العظيم مابراسي مقدمه فانتو مشوها لي هالمره

المهم الحياه حلوه وتزداد حلاوتها بالمرح

والصداقه حلوه وتزداد حلاوتها بالمقالب

اتركم مع موضوعي

القصه الاولى :

يوم من الايام كنت ابي اسافر من جده للرياض وكان معي عمي وهو اتحادي فجاه وحنا في

المطار لقينا الجاليه الاتحاديه اااااااقصد الفريق الاتحادي


قال عمي لازم اتصور معه قلت يالله روح وانا بصورك وانا نيتي امسح بوجه نور

الارض بهزئه ... يوم وصلنا عند نور التمو الناس حوالينا


قلت فرصتك ياولد قام عمي يطلب نور ويقوله ابي اتصور معاك قال خلاص قمت انا

فتحت كاميرا الجوال وطولت شوي قال محمد نور يوااااد اخلص علينا


قلت بالله انتظر شوي علشان احط الوضع الليلي علشان تطلع صورتك في ذاك الوقت

دورو لوجه نور علي الحرام انواع الضحك عليه من الشباب في المطار

وقام يهاوش حتى انه بغى يضربني وقال هذا جزائي اللي اصور امعك قلت انا طيب وش

سويت بس علشان تظبط الصوره بس هداه عمي وقام يتشحذه

لانه لاعبه المضل وفي الاخير رضى وصورته وكنت بنزل لكم


الصوره بس حقوق النشر محفوظه لعمي ومحمد نور

*********************************************************

الحين بعطيكم نبذه علشان تفهمون القصه التاليه :

المقطع الاول:هذا واحد من اصحابي معه جدين جده لابوه اعمى وجده لامه اصم بذكرلكم

ثلاث مواقف مره مع الاصم ومره مع الاعمى ومره الاثنين سوى :

كان الولد يتفرج على مباراه وهوهلالي صميم وعندنا بتوقيت ابها تبدا المباراه

واحنا نصلي المهم اذن العشاء وبدا بالتشكيله قاله جده الاصم

يالله ياولد قوم الصلاه عاد هو فهمه انه يروح ويلحقه بس الشايب مارضى لانه مايستغني

عن الولد بحاجه بعلمكم فيها بعدين

المهم قام الولد وهو زعلان وقال في نفسه لازم اسوي فيه مقلب الشايب مايستغني عالولد

لانه يبيه اذا قال الامام آمين يدقه جده وقول امين معهم

واذا قامو من السجود وكذا عاد بدو الصلاه وقبل ماينتهي الامام من الفاتحه دق جده قام

الشايب آآآآآآآمين وهو يضحك عاد كل مره يسوي معه كذا وفي السجود الاخير تركه

ملطوع حتى قرب التحيات تخلص بعدين يدقه ويقوم الشايب شوي وسلم الامام وقام الولد

وهرب طالع الشايب في الناس لقاهم يناظرونه بأستغراب وش فيهم؟؟؟

شوي الا وجاء المطوع وفهمه بطريقته عاد تتوقعون وش ردت فعل الشايب راح تسنن

وبعد ماطلع انواع التكفيخ والتلطيم فيه لا وازيدكم حرمه مايشوف المباراه

********************************************************************

المقطع الثاني:

في عصرية من العصاري <<<يسمع باللغه العربيه جاه اتصال من ابوه

وقاله تعال جدك يبي السوق اللي هو الاعمى الولد قال لابوه بعد المغرب طيب قال ابوه

مافيه يلا الحين الولد عصب وجاء ركب جده بالسياره ووداه السوق بتاع الملابس عشان

ياخذ مقاسه شوي الا وفيه بنات قاعدين يطالعون الولد قام هو خق وعلى طووول طردهم

طبعا وهو ماسك جده الاعمى

والولد قلبه مع البنيات مو مع جده شوي الا وجده محظر في دولاب لملابس الورعان

والدولاب ذا كان منخفض شوي وجاه في منطقه حساسه والشيبان مايتحملون وعاد طاح

وتكسرت نواظيره السوداء

الولد في ذا الوقت تذكر جده وما أمداه يطالع الا والمشعاب في راسه وتلفيخ على كيف

كيفكم عاد من زود الم الضرب الا انه قدام البنيات فزاده الم لان الولد استحى

******************************************************************

والمقطع الاخير: يقول على عيد الفطر السنه اللي راحت تجمعو عندنا بابها يقول الله

يكرمكم دخل جده الاصم الحمام(وانتو بكرامه) وهو من عادته مايسكر الحمام ولا يولع

الانوار وهم بالليل شوي الا وجده

الاعمى جاي ينادي الولد ياووووووولد تعال جاه وقاله خير وش تبي قال ابي الحمام الولد

جات في راسه خطه شيطانيه قال يلا ياجد هات ايدك اوديك قال طيب الحمام فاضي قال

ايه قال متاكد قال يارجال امش ومايصير الا الخير عاد دخل وسكر الولد عليهم الباب

وماتسمع الاصوتهم مضاربه بالحمام طش طف طح طرااااخ طااااااااخ <<<< هذي

انواع الضربات يقول جدي الاعمى يصايح عالاصم وهو مايسمع والاصم يقول للاعمى

اطلع وهو مايدل الباب وعاد بغى الولد يطفس من الضحك عليهم وهرب وتوزى في ابوه

والا كان صارت مجزره

*********************************************************************

هذا مقلب ممكن يكون مجرب من احدكم اذا هو يعرف احد يدخن

هذى واحد ازعجني كل ماجيت اطلع الا وهو ذا يبي يفرفر معي المشكله انه يدخن وكل

شوي يطلبني دخان عاد انا ما ادخن ولله الحمد

مره جات في بالي فكره قلت خلني اسويها فيه وعساه يتوب معاد يركب معي اشتريتلي ذاك

البكت ملبورو احمر واطلع اللي وسطه واحط بداله شوي باروووووود

عاد وحطيت شوي تمويه علشان مايشك في شيء جاء الوقت اللي قابلته فيه ركب معي

وفرفرنا الا وهو اللي ناقز ويقول ابي دخان

قلت دندن وغن ياولد ماطلبت شيء غالي والطلب رخيص مطلوبك عندي وعلى كيف كيفك

واعطيه الزقاره والرجال منسجم حتى وصل للنص

شوي الا وهي اللي تنفجر في خشته ولو تشوفون شكله ياناس بترحمه تقول توه طالع من

حرب عصب الرجال وطلع من السياره وراح لمسجد يغسل وجهه

ورجعلي وهو ناويني بشر قلتله بكيفك تحمل مايجيك انت اللي ركبت معي وانت اللي طلبت

الزقاير محد جبرك

ومن بعدها ولله الحمد ماعاد شفت خشته ولاعاد يكلمني الا اذا قابلته وجه لوجه يقزني

بنص عين مسوي زعلان

وانصحكم اذا واحد تعرفونه يدخن سووا هالتجربه وان شاء الله يبطل يشرب زقاير بالمره


اووووف تعب تكسرت اصابيعي والكيبورد بعد تخفست ازراره شوي

وتطلع من الجهه الثانيه

المطلوب تكفون ياشباب ابي منكم تفاعل كل واحد يحطله سالفه تضحك مقلب او اي اشي


ولكم اعذب وخالص وارق واجمل وامتع تحيه<<<< مابغيت تخلص

تحيااااااااااااااااااااااااااااااتي