نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - " منتخب المجلس العام " [[ خرج ولم يعد ]] " عنقز يا حبيبي عنقز

كاريزمـا · #8 15/11/2007, 05:13 AM

وعليكم السلام ورحمة الله وبركاته

إقتباس


	اول شي الموضوع هذا برعاية [[ كبريت قديمك نديمك]]

حركات تعرف أمثله ( قديمك نديمك لو الجديد أغناك)

إقتباس


	[[ خرج ولم يعد ]]

إقتباس


	اول شي التعريف بالشاعر:: قصدي ابو خالد شاايب اسود البشره قصير القاامه شعره نااعم وكله ابيض يميل للون اللؤلؤي انسان اجتماعي عاش وترعرع في الهند انسان مثقف رياضي هواياته ركوب الخيل وجمع الطوابع و[[السواقه]] بجميع اشكالها سبق له وان ساق طياره وباص وقطار هذا على كلامه انسان نصااب بمعنى الكلمه محبوب بشكل ما

طيب سردت لنا المواصفات ... طلع ذا (جورج كلوني )

بس ماقلت لنا من اي برج تفضله (الجدي أو العذراء أو ) ..

عشان نقول للخطابه تشوف شغلها ... وبعدين طلباتك واجده وتعجيزيه ..

كيف تجي ( شايب ومثقف ويركب الخيل ) << هذا يبي له ننجره نجر

طبعاً كل شي بحسابه ..

إقتباس


	هذا يا طويلين العمر كان عندنا سواق اسمه عبد المجيد وله خمس طعش سنه عندنا المهم صار واحد من عيالنا وصرنا نسميه ابو خالد المهم في الاجازه هذيك كنا بنساافر للديره وكنا نبيه يخاوينا المهم هو قعد يتعذر واني تعبان اليوم وكنت انا لازم ارجع للرياض بكره عشاني برجع مع خويي بيعرس وبيجي يخلص اشغال له بالرياض وبجي معه المهم قلت خلاص انت ريح اليوم وبكره بجيك يا شايبنا العزيز المهم جينا بكره وخلصنا اشغالنا على العشاء دقيت عليه مارد حاولت ادق عليه كذا مره مايرد ولا ودي ارجع للبيت وهو مهوب جاي معي عشان الوقت المهم قلت يمكن هو قاصدها مايرد علي من رقمي قلت للي معي هات جوالك والقصه بتبداء من هينا دقيت عليه الا ويرد قلت اوريك يالشاايب سااحب علي يعني يعني ماودك ترد علي يعني يعني متكبر علي

هذا فاهم وضعه 15 سنه بالسعوديه أكيد نعده سعودي

شرط انه يبربر عربي أكثر منك

والله مب سهل هو وشهره اللؤلؤي يعرف يسحب ويسفهه

إقتباس


	.. والله وقلد صوت اندنوسيه قلت له السلام عليكم وابو الشباب خق معي شوي ويطير بي واسولف معه شوي على اني اندنوسيه منحااشه قلت له وينك فيه انت قال بالشفاء قلت والله انا بعد بالشفاء قلت له تعالي عند بنده قال الحين بجيك واسمعه يلتفت على اخوياه يعلمهم قلت طيب عندك بيت قال ايه مافيه مشكله كل شي موجود بس انتي تعالي قلت له طيب لا تجيني الحين تعال بعد ساعه بتلاقيني عند بنده قال خلااص

ههههههههههههههههههههههههه
ههههههههههههههههه
ههههههههه
ههه

الله يرج بليسك اللي اعتقد انه مصرقع

بهالمقطع طق بي عرق من الضحك

اعنبوا بليسك كيف طلع صوتك ..

ياحرام ياعبد المجيد ههههههههههههههه خق مع الصوت

قسم شبيت تسبدي كان كملت المسلسل المكسيكي معه وخليته ينطق بالشمس ينتظر

لا يصير اسمك حليمه بس

إقتباس


	وسالني وش اسمي في هاللحظه ماقدرت امسك نفسي ضحكت غصب هو سكت قلت له ابو خالد اجل كل شي موجود وتعالي بس قال انت طارق قلت ايه قال وش ابغاء يا هوماار قلت وشو قال شوف كلام رجال رجال مافيه خرابيط هورما رجال خلي سيده قلت اقول لا

إقتباس


	يكثر وينك فيه قال بس ولا كلمه بوزران قلت له اقول انت تكلمني قال ايه اكلمك انت قلت

بوزران >> لو تشوف كيف نطقتها

هذي يقصد فيها بزران ...

إقتباس


	طيب وينك فيه قال في البيت قلت خلك عند الباب بجيك وبتوطى ببطنك يا كلب المهم جيت عند البيت وادوره مالقيته وادق عليه ويرد علي بدون نفس قلت وينك قال يااخي شوي وبجي واسمع صوت شريط اغااني قلت انت وينك قال شوي وبجيك وننتظر وخويي شوي ويصيح طارق بكرة زواجي لازم نروح وانا اقوله اصبر يا رجال الحين بيدق علي وادق عليه قالي انا بالمستشفى قلت اي مستشفى قالي مستشفى في البطحاء قلت له عطني الدكتور قال دكتور ولك شوي ثمن سكر بوجهي عقبها ادق عليه يقفل بوجهي ومن بعدها قفل جواله وليوومكم هذا مانعرف عنه شي الي يقهر ان هو له 15 سنه عندنا وغير هذا ان حنى واثقين فيه ومعطينه جوازه واقامته يالربع الي يشووفه يدلنا عليه ترى شعره ابيض شاايب اسمه عبدالمجيد انسان اجتمااعي بشكل ماتتصورونه تدروون انه كان يكمل العيال في البلووت وكان يصب القهوه اذا جاء عندنا عشاء صراحه ( فقدنااه المرووح )

>>> دموع ضحك + حزن

أبو خشه سحب عليكم تذكرت خشته يوم تحطها بمجلة دفني وأدفك

والمقابله ههههههههههههههه

والله خشته سمحه بس طلع ابو قلب

ذكرتوني بطاش ماطاش يوم أغتني الهندي وسحب على كفيله

أكيد عبد المجيد الحين من أكبر رجال الأعمال

بمنطقتكم وعنده كابينة تمرير مكالمات

دوليه

بس انتم غلطانين يوم تعطونه اقامته وجوازه مهما كانت الثقه

اجل تدورونه >> اتوقع بدبي يدير اسهمه ويرجع لقصره بالرياض خخخخخخخخ

إقتباس


	( السالفة الثانيه )

إقتباس


	[[ عنقز يا حبيبي عنقز ]] الي اعرفه ان العنقز داء يصيب الورعاان وهو عباره عن حسسيه وحبوب تطلع في جسمك وهالعنقز مايجي الا الورعان المهم انا يوم كان عمري 7 سنوات جاني العنقز من ولد جيرانا والعنقز انتشر بالبيت كله لان وقتها كنا معضمنا صغاار وجانا كلنا ومن ضمن الي جاهم اخوي الي اصغر مني الي ابي افهمه اخوي الحين عمره 19 وفيه عنقز يالربع واللي خاايف منه انه هو قد جاه عنقز ايام الوباء الي انتشر في البيت والسبب ولد الجيران والحين جاه عنقز مره ثاانيه الدكتور يقول انه نوع من انوااع العنقز قسم بالله اخوي صاار منبووذ في البيت محد يكلمه ولا يحتك فيه حتى صرنا مانخيله يتغداء ويتعشاء معنا فيه عنقز عااد كل خووفي ان المرض هذا ينتقل لي لان العنقز مرض معدي عااد تخيلو شكلي انا وعنقزي قاعدين في المحااضره والدكتور يشرح والطلاب كلهم مبعدين عني اللي ابي افهمه الحين لو جاني العنقز اقدر اخذ اجاازه ولا مايعطون اجاازه ؟

تترجعني لـ ( من ذاكرة التاريخ )

جاني العنقز يوم كنت بخامس ابتدائي والله ياانخرعت أذكر اول حبه طلعت بيدي

المهم

كشفت وصار العنقز بس الحمد لله كان خفيف مره لدرجه أعدهن على الأصابع ومع كذا

ضايق صدري خايفه على بشرتي

وعطوني أجازه اسبوعين

وجلست اسبوع وبسم الله من الدفاره قطعت الأجازه

وقلت أبي أداوم ورجعت الأسبوع الثاني
ويني عند روحي رازه عمري بالطابور

<<< مدري شلون أهلي طاعوني اروح

وحنا بغمرة الأناشيد

وتجي المساعده لمي وتقولي اطلعي بسرعه بسرعه عن الطابور

ياعمري انا هنا حسيت كأني موبؤه

جرباء

وقالت وراتس قاطعه الأجازه

قلت اشتقت لتس وللمدرسه وللطابور

بعذرها راجعه لهم وقت العدواء

عاد بعدها ماادري وش صار كملت اجازه ولا كملت دراسه

أزين مافيها مرهم العنقز الأبيض ينحط على الحبوب كأنه قطعة ثلج

طبعاً أعديت 2 من أفراد اسرتي الغاليه

>> يحمدون ربهم مااعديتهم كلهم

يعني اذا جاك عنقز ابشر بعزك

أجازه لمدة اسبوعين + تمثيل لمده أسبوع + نقاهه أسبوع = أجازة شهر

يالله أبدا بس كل مع أخوك وأشرب معه والبس ملابسه يومين بالكثير وانت كنك قنفذ

الله يشفي أخيك ويقوم بالسلامه وخله يستعمل المرهم الابيض اللي زي الطامس

إقتباس


	[[ الآن مع منتخب المجلس العام ]]

إقتباس


	لاني خفت على قلوب العذارى لاتتقطع علينا ونبتلش فيهم عاد

والله تسوي خير بالعذارى

^^^^^

إقتباس


	على اليمين : كلي هلالي المسبوه واللي لابس علاقي تراه جرح يشكي ترى العالقي شاريها من دروووش واللي جنب جرح الاسمراني الحلو فياااض واللي فوقه المملوح الدبدوب بلد الوليد الي في النص الي يشبه احمد بهجه ترى مهوب ليو ميسي المهم انتم تشوف الاعلانات اللي على فنايل الفريق ، ان دل فانما يدل على جودة الاعبيه >> وش دخلها

انت ناوي تقلع تسبد العذرى يوم تحط صورهم

والله ماشاء الله جرح يشكي رزه هو وعقاله وعلاقيته

أرشحه يكون (مودل) لعرض الأزياء

عاد بادي البرنامج ليتكم ترشحونه

وبلد الوليد ( فطيره ) مجلسه

الصراحه وش اعلق وش اخلي ..

القلم يعجز عن التعبير يعني الصوره ماشاء الله توب

هذي عااد صورة جماعية للفريق

وترى الصغاار الي معنا

مهوب فياض وفيصل والشله

أصفق لأصحاب الصوره

قمة الرزه والدلاخه

مانقصهم من الزين الا أول واحد( واقف من اليسار)

جسم وطول تبارك الرحمن

88888

يسوون عرضه سعوديه

*************************

ياملا العافيه على المنضوع اللي يوسع الصدر

هامور البورصه ..

قلماً ينير الفكر .. ويدخل البهجه .. وسرد استراتيجي منمق .. شكراً لفكرك وقلمك

********************
الأسهم لفياض

7777777777

الصراحه كنت بمسكك تعليق أحسبك مارديت أول واحد

لكن انت والهنوف وش عرفكم لأصول الحجز