نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - " منتخب المجلس العام " [[ خرج ولم يعد ]] " عنقز يا حبيبي عنقز

لاهدت نفسي · #12 15/11/2007, 05:01 AM

انت سآلفتك سآلفه والله

نآخذك وحده .. وحده

إقتباس


	اول شي التعريف بالشاعر:: قصدي ابو خالد شاايب اسود البشره قصير القاامه شعره نااعم وكله ابيض يميل للون اللؤلؤي انسان اجتماعي عاش وترعرع في الهند انسان مثقف رياضي هواياته ركوب الخيل وجمع الطوابع و[[السواقه]] بجميع اشكالها سبق له وان ساق طياره وباص وقطار هذا على كلامه انسان نصااب بمعنى الكلمه محبوب بشكل ما تتخيلوونه ودك تحطه في مخباك عشان يفقش عليك بس بداياته كان طباخ في احد مطاعم دبي يقولي كنت استلم رواتب بالهبل بس كلها ترووح قلت له كيف ترووح قعد يضحك بطريقه غريبه قلت بس بس لا تكمل اثرك اول زير وحق شرااب و...... يا مجرم

يوم قريت بدآية الموضوع .. حسيت انك شآرب شيء

اجل رجآل لونه ابيض واسود ولؤلؤي <<<<حشآ مو رجآل .. علبة آلوان

إقتباس


	هذا يا طويلين العمر كان عندنا سواق اسمه عبد المجيد وله خمس طعش سنه عندنا المهم

اجل طلع سوآقكم .. والله يآسوآقكم عليه مميزآت تآخذ العقل مآشاء الله عليه

ابيض واسود ولؤلؤي وترعرع بالهند وطيار وسوآق وقفز مظلي وطوآبع

إقتباس


	والقصه بتبداء من هينا دقيت عليه الا ويرد قلت اوريك يالشاايب سااحب علي يعني يعني ماودك ترد علي يعني يعني متكبر علي .. والله وقلد صوت اندنوسيه قلت له السلام عليكم وابو الشباب خق معي شوي ويطير بي واسولف معه شوي على اني اندنوسيه منحااشه قلت له وينك فيه انت قال بالشفاء قلت والله انا بعد بالشفاء قلت له تعالي عند بنده قال الحين بجيك واسمعه يلتفت على اخوياه يعلمهم قلت طيب عندك بيت قال ايه مافيه مشكله كل شي موجود بس انتي تعالي قلت له طيب لا تجيني الحين تعال بعد ساعه بتلاقيني عند بنده قال خلااص

وخربآن بعد .. وعنده شقه

والله يآسوآقكم هذا تحفه من اتحف التحف

بس صرآحه عجبتني الحركه حقتك

صآر تقلد صوت اندونوسيه عليه

الله يقطع ابليسك

إقتباس


	وسالني وش اسمي في هاللحظه ماقدرت امسك نفسي ضحكت غصب هو سكت قلت له ابو خالد اجل كل شي موجود وتعالي بس قال انت طارق قلت ايه قال وش ابغاء يا هوماار قلت وشو قال شوف كلام رجال رجال مافيه خرابيط هورما رجال خلي سيده قلت اقول لا يكثر وينك فيه قال بس ولا كلمه بوزران قلت له اقول انت تكلمني قال ايه اكلمك انت قلت طيب وينك فيه قال في البيت قلت خلك عند الباب بجيك وبتوطى ببطنك يا كلب المهم جيت عند البيت وادوره مالقيته وادق عليه ويرد علي بدون نفس قلت وينك قال يااخي شوي وبجي واسمع صوت شريط اغااني قلت انت وينك قال شوي وبجيك وننتظر وخويي شوي ويصيح طارق بكرة زواجي لازم نروح وانا اقوله اصبر يا رجال الحين بيدق علي وادق عليه قالي انا بالمستشفى قلت اي مستشفى قالي مستشفى في البطحاء قلت له عطني الدكتور قال دكتور ولك شوي ثمن سكر بوجهي عقبها ادق عليه يقفل بوجهي ومن بعدها قفل جواله وليوومكم هذا مانعرف عنه شي الي يقهر ان هو له 15 سنه عندنا وغير هذا ان حنى واثقين فيه ومعطينه جوازه واقامته يالربع الي يشووفه يدلنا عليه ترى شعره ابيض شاايب اسمه عبدالمجيد انسان اجتمااعي بشكل ماتتصورونه تدروون انه كان يكمل العيال في البلووت وكان يصب القهوه اذا جاء عندنا عشاء صراحه ( فقدنااه المرووح )

لا مش معقول .. وش هالنهآيه الحزينه

شرد .. لا .. لامش معقول

<<< متآثر جدن جدن جدن

الله يرده لكم سآلما معآفىا .. ومآفيه شيء

قهر هالموآصفآت كلها .. وآخر شيء يشرد

<<<

إقتباس


	الي اعرفه ان العنقز داء يصيب الورعاان وهو عباره عن حسسيه وحبوب تطلع في جسمك وهالعنقز مايجي الا الورعان المهم انا يوم كان عمري 7 سنوات جاني العنقز من ولد جيرانا والعنقز انتشر بالبيت كله لان وقتها كنا معضمنا صغاار وجانا كلنا ومن ضمن الي جاهم اخوي الي اصغر مني الي ابي افهمه اخوي الحين عمره 19 وفيه عنقز يالربع واللي خاايف منه انه هو قد جاه عنقز ايام الوباء الي انتشر في البيت والسبب ولد الجيران والحين جاه عنقز مره ثاانيه الدكتور يقول انه نوع من انوااع العنقز قسم بالله اخوي صاار منبووذ في البيت محد يكلمه ولا يحتك فيه حتى صرنا مانخيله يتغداء ويتعشاء معنا فيه عنقز عااد كل خووفي ان المرض هذا ينتقل لي لان العنقز مرض معدي عااد تخيلو شكلي انا وعنقزي قاعدين في المحااضره والدكتور يشرح والطلاب كلهم مبعدين عني اللي ابي افهمه الحين لو جاني العنقز اقدر اخذ اجاازه ولا مايعطون اجاازه ؟

فكني واللي يرحم وآلديك

.. ترآني بديت اوسوس احس ان طلعت لي حبوب بوجهي

اخوك جنبك صح .. ؟

عجبني سؤآلك الاخير

... آجل تبي آجآزه

روح قرب جنب آخوك .. وخليك معه بالغرفه ولاتطلع

<<<< يبي يورطه

وبالاخير تُصآب بالعنقز

ويعطونك آجآزه

دقيقه وقفه

<<< عديتني يالمشآكس الله يهديك

.
.

عوآفي علىا الموضوع حبيبي

من جد دخلتنآ جو مع سوآقكم المعجزه

تشكرآت يابآشآ

تقبل مروري

نوآف