هلا والله اخوي تورام ..
الله يسلمك يالغالي .. وإصابة ماكليلي أخذت تقريباً ربع أو ثلث قوة الريال الدفاعية ..
تحياتي لك ..

هلا والله ميلان آسيا ..
تصـدق عاد بديت أحس انك انت اللي رامي (مافيه محمد ) هالقارورة على فيقو .. طبعاً عقب ما جغـمتها ..
وبيني وبينك الرقم خلاص .. هوّنت أصلاً أنا متعمد آخذ رقم زلابه عشان مايزعجوني المعجبات
وبعدين وش سكرتيره .. هو أصلاً فيه مدير عشان نحط له سكرتير
وطلب تكفى .. ترانا بالعشر الأواخر المباركه .. والفـمـتو مايمدحونه بهالوقت ;) ..
تحياتي لك ..

هـلا والله اخوي أنا ..
تصدق عاد الحمد لله انك ماشفتها .. أحس انك تنكب الريال اذا شفت مبارياته ..
وصدقني أشوا انك ماشفتها ماتسـوى الانتظار شهر ..
تحياتي لك ..

هلا والله بالمبدع أزرق مايلين ..
يااااااااااابعد تسبد تسبد تسبد تسبدي وتسلاي وبنتسرياسي <== يمـديك
يالله ياكريم ان الارسنال ياخذ الدوري والكاس .. حلال عليه .. أما التشامبيونز ليق للريال .. هاه قل تم ؟؟ ..
ومثل ماتفضلت المباراة لك عليها .. والله يوفق الريال ..
تحياتي لك ..

هلا والله وغلا بـسطه جنتلمان .. <=== مايدري وشي أسطه .. منب أحب التمثليات المصريه
ايه والله حسافتين .. مهوب عشان المباراة .. إلا والله عشان انشات جعل اللي شاته ينشات شوته مايشوت عقبها أي شوته ..
واذا كان قصدك ميلان آسيا ... لاااااااا ماعليك وانا اخوك .. بيني وبينه شفرات مايعرفها إلا اللي يقدر ملوك أوروبا ;) ..
تحياتي لك ..