إقتباس الرسالة الأصلية كتبت بواسطة عبــــ14ــــود والله عيال المجلس العام عليهم مواظيع خبلااان مـنســميين ! .. نجي للهواش .. ! الوالد الله يحفظه معاه سكر ! .. يعني عصبي بزياده بس انه اذا عصب يظحكني يبدا يقط كلام هههههههههههه .. يخرربط وااجد المهم انا من 4 سنين انطقيت .. بالخيزورااانــه .. !! الله لا يذكرها بالخير ! ,, للحين أثرها موجد بسيقاني الحـليله وكان سبب المشكله اني سحبت ع الأهــل ونمت برا البيت وتوي ورع بـ 2 متوسط وأدخـل البيت .. الزبده البيت ظلام وفيه هيـبة ررعب شووي المهم والله وادخل واشوف الدعوه ظلاام !! شوي يجيني طرااااااااق بن كللب اقولك شعري بدا يوللع وتخيل كف بالظلام والله ان تذرق ! .. وللحين مادري وش ذا اللي جااء فـ ختي هو كف رفسه !! ممكن شوته الزبده ولا ادري من المخلوق العنيف اللي تم ظربي من قبله شوي انفتح النور ! .. ,, بعد الكاف كنت سااكت من الخووف اثره الواااااالد ياحبي له يممون وبعديـن استخدم سلاحه السرري !! " الخـيزورانه " وارحمني يامشلممم ! شرايكم فـ السبراااايز !؟ يعرف يستقبل ابوي لوووووووووووووووووووول .. ... ماما ماتظربني ,, خخخخخخخخخخخ بس تـظرب بالكلااام !!

واحد ابوه معاه سكر وفاق خشته مايقول الله يشفيه والله انت المنسم والخبل عيال هالوقت !!

اولا ربي يشفي ابوك ويعافيه وكل مسلم يارب .. ويخليلنا اباءها وكل ابو ربي يعطيه الصحه والعافيه .. ( كل ابو )

اجل كف وظلام اشوى انك ماانهبلت هع هع هع هع

يسعدك ربي عبود .. . ولاتتعب الشايب ترى ربي يبلاك بعيال شياطين يحسرون فيك ( الله من قل ماعرفت وش معنى يحسرون ) وانت تقول ماما

انا اخر طقه جتني من امي .. كان بسبب اني قلت لها ماما .. ابكشخ عطتني كف تحسبني انفخ عليها

اتخيل براطمي واسعبل وانا اقول : مــــــــامااااا ( تش ) ياشيني

إقتباس G o L d E s T الله يوسع صدرك مثل ما وسعت صدري يابو طلال والله اني ضحححححك على مواقف الأعضاء وعلى تعليقاتك لذلك أبشارك مرة ثالثة وبما انك فتحت لي المجال بالمشاركة متى ما بغيت أبقول لك موقف أخوي <<< ما ينعطى وجه طول الله عمرك مرة كنا تونا واصلين من السفر والوالد تعبان ويبي يرتاح حنا مدري وش اللي خلانا ننام مع أبوي كنا أنا وثنين من أخواني نايمين بسرير أبو نفرين طبعا كنا طول السفر نايميييين وما جانا النوم ويجيك أكبر أخواني يقول لأخوي الثاني رح شف الساعة كم طبعا ما كان فيه الا الساعة الخراشة وكانت بجنب أبوي بالأرض ويجيك أخوي و ينزل بنصف جسده العلوي والنص السفلي بالسرير وهنا أتت الشياطين لأكبر أخواني واشتاق للعب الكورة ويشوت أخوي شوووووته أليييييييييييييييييييييمه بعدها تقلب أخوي وطاح على الأرض وترررررررررررررررررررررررررررررررن صوت الخراشة قام أخوي بعد ما عدل أوضاعه وما شاف الا أبوي بجنبه هنا أخوي حاول يشرح السالفة بس الوالد تعبان واخلاقه قافلة ويجيك أخوي يقول أ أ أ أ آآآآ أأ آآآآ عجز يقول غير الألف ويعطيه أبوي طحلتين من النوع القوي ويطردنا كلنا <<< هذا اللي كنا نبيه لأنه ما بنا نوم معاني الكلمات : طحلتين : تثنية طحلة ويراد بها الضربة بباطن الكف على الظهر وكلما كانت اليد أكبر كلما كانت الضربة أشد

هلا والله وغلا بكحيلان ..... تخيلت الموقف والله وكني اشوفه ......... موقف غير طبيعي اجل ( خقله ) هههههههههههههه

مصائب قوم عند قوم فوائد ........ وصارت في ظهر هالمسكين اخوك ... المسكين مايدري هو يداوي الالم من ورى والا الالم من قدام

اخوانك منسمين وانت قائدهم .. الله يرجك انت واياهم .. شكلك خبوبي خبل ودامك قلت طحله .. اجل يامال الهشله انت واخوانك المصرقعين

شاكر لك حضورك الجميل .. وانتظر لك رجعه ولاتحرمنا من هالمواقف

إقتباس حتى ظلالي هلالي عودة ثالثة بعد اذنك ابو طلارس ،، بس تذكرت (عضة) جتني من ولد عمي << لاتفهموني غلط اقروا القصه بعدين احكموا في يوما من الايام ،، وفي صباح مشرق ،، << براااا المهم مالكم بالطويله ،، يوم انا ادرس بالروضه كان ولد عمي يدرس معي بعد ذاك اليوم أنا كنت طالعه من فصلي وهو طالع من فصله ،، ومدري وش اللي جاهـ صار متوحش جاء لمي وعضني مع ايدي وأنا ياغافل لكم الله مدري وش جاهــ !! والمشكله انه بالبيت معي عااااااادي يتمصلح معي عشان ألعب معه (سيكل ) بس بالروضه اقاله يستفرد عضالاته قدام اخوياهـ عاد أنا قعدت اصيح ذاك اليوم وقلت للـ(أبلاء) انه عضن،، قالت لي روحي قوليه لـ(ابلته) ،، أنا استانست رحت اركض لفصلهم وقلت لـ(ابلته) قالت لي : (اضربيه هالحين) وأجيكم واعطيه ذاك الكفخه بس مع ايده مب مع وجهه لاني قلت عيب اقلل هيبته قدام العيال ورحمته قلت مع ايدهـ يكفي وللحين حاقدة عليه ليتي للحين صغيرة كان اروح واعضه لين اقول بس اطلع حرتي اللي بي عاد ذاك اليوم يقول لي اخوي الكبير أنا باخذ حقك منه قلت له:صباح الليل توك تفطن ،، هو وش بيذكرة هالحين ،، والسالفه راح له سنيييييييييييييييين وسنيييييييييين .. .. .. ادري ما اعطى وجه وطولته معكم السموحه يالربع

هلابك والله ..... لاتعدون علي العوده يالربع ...... رجعتكم تسعدني والله بالعكس ...

بالنسبه للموقف ......... عرفنا انك تدرسين بمدارس مختلطه علمانيه هع هع هع هع هع <<< يسمع فيها


عاد أنا قعدت اصيح ذاك اليوم وقلت للـ(أبلاء) انه عضن،،
قالت لي روحي قوليه لـ(ابلته) ،،
أنا استانست
رحت اركض لفصلهم وقلت لـ(ابلته) قالت لي : (اضربيه هالحين)

العيال موذين بس قلوبهم طيبه وعلى نياتهم ...... البنات اشكال بريئه .. بس ناظروا واحكموا .. استانست ( راضعه مع ابليس ) تبي تذله قدام اخوياه

لا تطمني العيال ماهمهم .. كف مع الوجه .. طقه مع اليد .. خقله .. رفسه .. عادي كل شي يمشي عندهم وينسون
مهوب انتي يالجمل للحين ذاكرتها وحاقده


شاكر لك حضورك ومرورك ........ بس افرضي ان ولد عمك كان قصده شريف .. ويبي يحط لك ساعه باليد من خلال العضه
هذي كانت لعبه قديمه .. بس الحين تلاشت



وبانتظار المزيد ............ من ............. تعليقات ......... ومواقف ......... الاعضاء ......... الكرام

وللحديـــــــــــــــــــــث بقيــــــــــــــــه :

وينك ياملك الهلال ...... مواعدنا بقصه على الهواء وساخنه بس ماندري وينك ..لايكون صارت الطقه براسك ونسيت موقع شبكه الزعيم ننتظرك