ياهلا فيك يــأبو طلال

موضوعك حلو مره ومن أول ما وضعت الموضوع وأنـــا متابعه

لين وصل فيني الـحــال وأحــطه بالمفضله<<< يحب الفضايح

أمـــا متى آخـــر مره ضربن (طقني) أبــوي :

كنت تقريباً بســادس ابتدائي وبالإختبارات النهائية حصل الضــرب

طـلعت من الإختبــار تقريبا الســاعه 8:30 وتعرفون لازم الواحد بعد الاختبار ينفه عن نفسه

وسبحان الله بوقت الاختبارات يزين كل شئ تجمعنا أنا وأخوياي وبدينا نلعب مصاقيل (برجون)

ولعبنا تقريبا إلى أذان الظهر عاد كــل واحد راح لبيته إلا أنـــا رحــت أدور ناس ثانين يــلعبون

والحمد لله لقيتهم وألعب معهم مصاقيل واصكك رؤسهم واحد واحد وأجمع من هالمصاقيل بعز هالظهر

تقريبا إلى 2 الظهر عاد اللي لعبت معهم راحوا وأنا جلست أعد المصاقيل إلي كسبتهم اليــوم

يوم عديتهن وخلصت رحت للبقاله وشريت لي ببسي وكتكات وجلست أكلهم عند البــقاله

وأنا جالس أكلهم لمحت أخوي من بعيد وأقعد أصوتله .

يوم شــافن جاء يركض لمي وقالي وين كنت ؟ والله أبوي معصب وجالس يدورك من الساعه 10

الصبح

وأمير أنا أبلع العــافيه ومدري وش أسوي قلت لو اللحين برجع للبيت وش بسوي

والله أبوي مايتركن عاد أخوي رجع قــال يله بسرعه أبوي يحتريك ياويلك منه

ويوم وصلت للبيت لقيت أبوي واقف عــند البــاب وراه أمي وأخواني

أنـــا يوم شفتهم بلا شعــور قعدت أصيـــح

ويمسكن أبوي ويدخلن جوى(داخل) البيت وهواش وضرب يوم خلص أرقى لغرفتي وأقعد أكمل صياح

وتجي أمي وتقعد تراضين لإن والله أنجــلدت جلد ماعمره أبوي جلده لإحد من أخواني

ولنا تتمه ...

eng.tareq