مسيك بالخير اخوي ابو ناصر

في البدايه احب اقول لك ان من يكتب في الجزيره
اغلبهم جاؤوا من المدرج الهلالي
يعني يدركون ويعون هموم المشجع

مسالة المفرج طالت وتشمخت والسبب يرجع الى الجهاز الاداري بقيادة الاحمد
تخيل انك لاعب منتقل حديثاً او لاعب صاعد من الفئات السنيه وتنتظر الفرصه على احر من الجمر
وعندك الامكانيات اللي تفوق اللاعب الاساسي
وفي الوقت اللي يحتاجك فيه المدرب ينقز لك الاداري ويعبي راس المدرب
هذا اللاعب موقوف لانه غاب امس بدون عذر
وهذا اللاعب مصاب وتوه راجع من اصابه يبي له شوي حتى يقدر يدخل في المجموعه
وهذا اللاعب عنده مشاكل مع الاداره وما اعتقد انك بتستفيد منه لانشغال فكره عن الكوره

والمدرب الضعيف يصدق وماله الا الظاهر وكلها شهرين وتنهي عقده الاداره
وترجع الاسطوانه من جديد مع المدرب القادم

صدقني انا ما اتجنى على الاحمد لكن هذا اللي صاير واللي قريب من اللاعبين بيدرك مدى صحة كلامي

ارجع واقول لك كل كتابات الجزيره صحيحه
نعم المفرج قنبله موقوته انفجرت اكثر من مره
مباراة الاتفاق وكل من زعم ان المفرج ابدع فيها
اقول له نعم يامسكييييييين المفرج ابدع فيها
ابدع في في تخليص الكوره من قدم برنس توجو بعد ارتداد تسديدته من الدعيع
ارجع شوي لبداية الهجمه
برنس توجو في موقف تسلل لكن المفرج وكعادته الكريمه كاسر التسلل
اي واحد حاضر المباراة يعرف انه كاسر التسلل
ولو تدقق بالاعادة كان برضو بتشوف اخينا بالله كاسر التسلل
يعني ابدع في تصليح خطأه
وبرضو نفس السيناريو في هجمة بشير
ابدع في تصليح خطأه
وما انسى انه ابدع في تخليص قدم,, اسف تخليص الكره من قدم توجو حسب ماراها الحكم البحريني
وبرضو ما انسى ان للاتفاق 14 خطأ
7 منها ابدع المفرج في تسببها على مشارف منطقة الجزاء اغلبها كرات عاليه من المفترض ان تكون من نصيب المدافع

الخطأ ما يتصلح بخطأ اخوي ابو ناصر
والخطأ وجود المفرج في التشكيله الاساسيه عفواً في القائمة كلها

تقبل مروري