بسم الله الرحمن الرحيم

السلام عليكم ورحمة الله وبركاته


حبايبي مشجعي الهلال العظماء

بختصر كل الطرق وأدخل بالموضوع على طول

كلكم شفتوا الهلال مو هلالنا الأول على الرغم من أنه لا توجد تغييرات على مستوى الاعبين ولكن لاندري أين المشكله وإن كنت أظن أنها إدارية وتدريبية بحته

ما راح أدخل في هالكلام وأحلل وأبين أنا بقول بالمختصر المفيد تعبنا ياهلاااااااااااااااال إلى متى والهلال مايقدر تضحياتنا على شانه مثلا مباراة الوحدة إمتلأ الملعب وماسوو شي ومباراة الإتفاق ومباراة القادسية غطى الفوز على العيوب وبطولة الخليج يفوز الهلال بآخر ربع ساعه

أسألكم بالله هل هذا ربع الهلال اللي حنا نعرفه والله إنه شبح الهلال والمستقبل المظلم اللي قاعد أشوفه

أسألكم بالله هل ممكن ننافس الإتحاد أو الإتفاق على البطوله أو حتى نهزم النصر والحزم والوطني والشباب

الهلال نجا من هزيمه ثقيله قدام الإتفاق وماكل مباراه بيجينا خليفة الدوسري وينقذنا

والله إني أعرف ناس ماعندهم قنوات الإي آر تي بالبيت ويروحون للمقاهي ويتحملون ريحة المعسلات والغثا وكله لعيون الهلال ولكن يرجعون واقول يرجعون كالعاده مطأطأي الرأس

والله إني حضرت مباراة الإتحاد بالنهائي واللي هي بداية الإنتكاسة والله إن فيه ناس جنبي يبكون والنتيجة 1 / 0 للهلال ليش لأنهم يدرون عن المصيبة اللي بتصير


هل ممكن هذا الكلام يكون ردع من الله سبحانه وتعالى للهلال بسبب مشاكل فسخ العقود

الله يستر الله يستر الله يستر

والله حرااااااااااااااااااااااااااااااااااااااااااام

أتمنى إدارة المنتدى تعطي الموضوع حقة ولا تحذف كل موضوع جريء وشكرا لكم

أعتذر عن الإطاله