غاري ممكن يلعب ضدّ البورو !



غاري نيفل ممكن يلعب مباراة مانشستر يونايتد مع مدلزبرة بكرة السبت بعد غياب دام لمدة سبع شهور بسبب الإصابات المختلفة .. و اللاعب تدرب لمدة اسبوعين بدون مشاكل .

فيرغي قال : " غاري سوى شغل عظيم .. ممكن بكره يكون احتياطي مع البورو مع الخمسة لاعبين .. راح يتدرب الصبح وبعد الظهر بيكون مع الفريق " .

غاري قال انه مشتااق للعب على الملاعب الخضراء وانه ما يقدر ينتظر أكثر .. ويقول اني أعرف ان المهمة الحين صارت صعبة للعودة أساسي في الفريق .

قال غاري : " براون مقدم مستويات حلوة .. وسميبسون بعد .. ممكن هالشي يخليني أواجه صعوبة شوي " .

سألوا غاري عن الإصابة و هالغياب جاوب وهو يتنهدّ : " المدة كانت طويلة .. الغياب من نهاية الموسم شي يتعبّ و أشين شي لما أدخل الجمنازيوم إخصائي العلاج يحاول يحمسني ويحسسّني ان السالفة مثيرة بس ماش ماعجبني الوضع " .

وكمّل الكابتن : " اشين شي كان لما اروح موقع التدريب و أشوف اللاعبين يتدربون و وديّ أتدرب معهم و أساعدهم ولا أقدر .. الساعة و نص بالتدريب تمرّ ولا نحسّ فيها .. بس الساعة ونص بالجمنازيوم كنها ثلاث أيام " .

غاري يقول يمكن مالعب قدام البورو .. وتكلم عن البورو وقال انه فريق صعب على الأولدترافورد : " كانت عندنا لحظات صعبة معهم .. لكن لازم نفوز .. الشي الممتاز انه محد يقدر يوقفنا لا صرنا بالتوب " .

---------------------------------



آلان وايلي راح يكون حكم مباراة مانشستر يونايتد و ميدلزبرة .. وايلي ادار هالموسم سبع مباريات طلّع الكرت الأصفر 27 مرّة و الأحمر مرة واحدة .. أدار لمانشستر مباراة ايفرتون في الغوديسون بارك و فاز فيها اليونايتد 1/0 بهدف فيديتش .

----------------

فيرغي : المصابين رجعوا .. هاري بكره بيلعب !!



السير اليكس فيرغسون اكد ان اوين هاريغريفز جاهز لمباراة بكرة مع ميدلزبرة بعد غيابة لمده شهر بسبب إصابة بالركبة .

فيرغسون قال : " هاري جاهز لمباراة بكره .. هو طفش شوي من الإصابات بس ان شاء الله بيرجع وبيعطينا اللي عنده " .

رجعة هاري جت بوقت مناسب خصوصاً ان سكولز راح يغيب عن مباارة بكره بسبب الإصابة في الغضروف .

قال فيرغسون : " الفحص الأول ما جاب نتيجة .. لذلك راح نرسلة لإخصائي يوم الأثنين وراح نشوف وش فيه .. أتوقع ماراح تطول غيبته " .

فيرغسون يتوقع ان غاري نيفل و مايكل كاريك راح يكونون موجودين في مباراة ارسنال المهمة يوم السبت 3 نوفمبر الجاي .. وقال بهالخصوص : " غاري يشتغل كويس بالتدريبات بس يحتاج وقت حتى ندخله في جو المباريات تدريجياً .. و كاريك راح نسوي له فحص أخير يوم الأثنين و إذا سمحوا له بالتدريب راح يشارك ضدّ آرسنال " .

لويس ساها ماراح يكون موجود في مباراة البورو .. بس ايفرا راح يكون جاهز للمباراة رغم عدم مشاركتة في مباراة كييف بسبب الإصابة .