نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الوسام الهلالي · #2 26/10/2007, 04:19 AM

إقتباس

الرسالة الأصلية كتبت بواسطة ~بنت الزعيم~


	حياكم الله كل أبوكم ومساكم / صباحكم ورد .. ويا هلا فيكم .. بدخل في الموضوع دوغري واتحملوا هذرتي لين اخلص ولحد يقول الموضوع طووويل بما أن ضغطي مرتفع من يوم اشتركت في صدى فأنا راح احط حرتي هنا وبسولف لكم عن قصتي معها وبالصور بعد الله مير يرج اللي فكر بهالفكره واللي من كثر إعلاناتها كرهتها وأول ما أطلعت هالخدمه وأخواني كل يوم يغيرون النغمه هالصدى ومسوين تخصيص وحركات عاد أنا ما اتأقلم مع التطور بسرعه وأخوي كل يوم يحن على راسي إلا ويبني أشترك غصب طيب وكل مره أقول له لا لا وهو يصر أكثر مدري وش سالفته لدرجه إني شكيت إنه يشتغل بالإتصالات عاد أنا قلت له ما أبي ما أحب إلا طوط طوط العاديه قال ياقدمك والله ترى تندمين أختاري أي دعاء واحطه لك قمت سمعت كلامه وقلت له لا أبي شعر قام سمعني صوت قلت له وع هذا تركي 2000 قال إيه قلت أجل ما أبي قلت له ما فيه سعد علوش قال لا وصرت كل ما ادق على وحده من صديقاتي اسمع نغمه أحلى من الثانيه إلا أنا ورعبوبه ما سوينا نغمه ولا تعبنا انفسنا والحياه سعيده عندنا من دون صدى الدجه عفوا مو العضو هذي صدى الإنفصالات عاد كان نفسي اسوي مثلهم بس قلت لا عشان اخوي ما يقعد يقول ايه تقلدين موب قلت لك إنك بتندمين ومن هالكلام وعلى طاري نغمات صدى .. اذكر كانت وحده من صديقاتي مسويه اغنيه بيوم 29 شعبان قلت لها بكره او بعده يمكن رمضان وانتي مسويه هالنغمه يعني بتستقبلين رمضان بمعصيه ردت علي و قالت لي ببرود عادي قبل رمضان بساعه الغيها عاد هذا من مساوي استخدام التقنيه يعني بدل ما تحط دعاء وكلن يأمن عليه وتأخذ اجر عليه اتروح تحط اغنيه ما منها فايده غير إنك تأخذ ذنب على كل واحد يسمعها يعني فكروا برب العباد قبل انكم اتسوون اي شي حرام واحترموا الناس اللي ما تسمع أغاني وسوا اي نغمه حلوه و هاديه ولا تقعدون اتغيرون النغمه كل ساعه مثل أخوي سوى فيني مقلب وكلن ضحك علي كنا بالسوق انا وخواتي هو قاعد يحترينا برا على أساس اول ما نخلص ندق عليه المهم خلصنا وتشرينا كل غريضاتنا ودقيت عليه وكل ما ادق اقفل الخط واقول لهم الجهاز مغلق اكثر من ميه مره اسوي هالحركه وانا مدري أنه مسوي ( أن الهاتف المطلوب لا يمكن الأتصال به الان ) .. نغمه صدى عاد وحده من خواتي اتقولي هذي نغمه يا دلخه عشان اللي ما يبيهم ما يرد عليهم وانا توي ادري وانقهرت من حركته لا قاعد يقولي ليه اتقفلين بوجهي ما عندك رصيد ويضحك قهر قهر والله شباب اخر زمن وهذي صوره لجوالي قبل لا اسوي خدمه صدى .. وهذي صور لجوالي بعد ما سويت نغمه صدى شعر فهد المساعد ( قصيده أعز إنسان ) وليتني ما سويتها شوفوا وش صار لي .. المكالمات .. الرسائل .. ألحين أرد على مين والا مين والله ما دريت أنكم تحبون فهد لهدرجه .. من الرسائل اللي جتني وحده من صديقاتي اتقول يالله يا منار شعر شعر إنتي كل حياتك شعر غريبه مو حاطه سعد علوش << ورديت ياحبي للشعر على الأقل أحسن من هالأغاني اللي تسمعينها هع وبعدين مافيش نغمه لسعد يا حظي وحده ثانيه اتقول وع وع وع نغمه كلها تشويش ما لقيتي غير << ورديت ثلاث وعات بوجهك ما عندك كلمه زينه اسكتي وجع تحطيم وحده ثالثه اتقول منار لا تردين أبي اسمع صوت فهد << ورديت عاد ما لقيتي تسمعين صوته الا عندي روحي اشتري ديوانه وريحيني .. فأنا أنصحكم لا تسوون هالصدى لأنكم راح تنزعجون بشكل موب طبيعي والسبب هالنغمه شوفوا نصحتكم مو تقولون منار ما نصحتنا وانتي بعد رعبوبه لا تسوين ترى بتندمين مو لا جاكِ إزعاج دعيتي علي وقلتي هذا كله من منار هي اللي علمتني .. تحياتي تعبت من كثر ما أسولف .. منار

بالتوفيق للزعيم