25/10/2007, 01:08 PM
|
| زعيــم متألــق | | تاريخ التسجيل: 21/11/2006 المكان: ¦[Between The Reality And Fantasy ]¦
مشاركات: 1,215
| |
|
من المسؤول ,, سارهـ أما عائلتها ..!
.. بسم اللهـ الرحمن الرحيم ..
.
.
.
.
.
سارهـ / فتاة طيبه وتخفي تحت طيبتها أحزان كثييرهـ ,, تبلغ من العمر 16 عاماً ..
لكنها لآتستطيع التصديق والآعتراف بأنها فتاة ,, وتعتقد بأنها ولد ,,
بل تسمي نفسها (فيصل) ..!
===
الحصه : الرابعه
الساعه : 9:30
اليوم : الآثنين
===
ملل .. أكيد لآن هذي المادهـ فيزياء <<<أكثر مادهـ أكرهها ..
صديقاتي يسولفون ولآ كانهم بمرحلهـ مهمه من مراحل الدراسه ..
أنا رافضهـ إني أسولف معهم وأحاول أنتبه للشرح .. أحاول أفهم .. أحاول أستخرج فائدهـ
من هالمادهـ مالقيت .. <<مع إحترامي لمحبين هالمادهـ ..
ألتفت يمين ويسار .. لم أجد (ساره) .. قلت في نفسي : (كاالعادهـ منحاشه من الحصه ..!!)
===
بدأ النوم يغلبني .. طلبت من المعلمهـ الذهاب لدورة المياهـ لآغسل وجهي ..
ذهبت إلى دورة المياه(أعزكم الله) .. لم أجد احداً -على غير العادهـ - ..
المكان هادئ .. لآصوت غير صوت صنبور الماء ..
غسلت وجهي وأنا أغسل سمعت صوت .. كيف ذلكـ لآ أحد هنا ...؟!
مصدر الصوت من هذا الحمام .. أتجهت نحو ذلكـ المكان .. لآ أصدق ماأسمعهـ ..
صوت بـكـاء ....!!
تمالكني الفضول لمعرفة من التي تبكي .. طرقت باب الحمام .. ردت علي بصوت حزين :
ياختي معليش .. كل الحمامات فاضيه روحي لآي واحد ثانـي ..
أنا لم أكن أريد إستعمال الحمام .. كنت أريد أن أعرف من هنا ..
وهذا الصوت ليس غريب علي .. إنه يشبه صوت (ساره) ..!
===
أنا : ساره ..!
ساره : مين .. حنان ..!
أنا : ايييهـ أنا حنان ممكن تطلعين ابغى اكلمك ..
طلعت من الحمام (أعزكم الله) وهي في حالة لآ استطيع وصفها ..
تبكي وبشدهـ ..
اتسأل في نفسي (ماسبب هذا البكاء..؟!)
أنا : ساره .. وش فيك ..؟ ليش تبكين ..؟ فيه أحد مضايقك ..؟
ساره : مافيني شي ..
أنا : أجل ليش تبكين ..؟ أكيييد فيكـ شي قولي لي ياساره واللهـ بترتاحين ..
ساره : صدق أنهـ مافيهـ علآقهـ قويهـ بيني وبينكـ .. لكن أحس إني أرتاح لك
ومتأكدهـ الكلآم الي بقولهـ لكـ بتكتمينهـ في قلبكـ وماراح يعرف فيهـ أحد في المدرسهـ ..!
===
صراحة .. أحسست بقليل من الخوف عندما قالت هذا الكلآم ..
أنا : إن شاء اللهـ ماأخيب ظنكـ فيني .. قولي وكلي آذان صاغيهـ ..
كانت تبكي وتبكي ثم هدأت قليلآ وأخذت نفس عميق وتكلمت وقالت :
أنا ولد ..! أهلي كانوا يبغون أني أصير ولد .. وبصير ولد عشانهم ..
غالباً مايعاملوني بأني ولد .. يوم كانت أمي حامل فيني كانوا يتوقعوني ولد .. كانوا مختارين لي
اسم قبل ماأنولد .. كان مختارين لي اسم (فيصل) .. عشان كذا أقولكـم سموني فيصل ..
يوم كنت صغيرهـ كل ألعابي ألعاب أولآد .. أحب البنات .. بالسوق أتمنى أرقم ولآ أغازل ..
بس أصير لآبسهـ العبايهـ وماأقــدر ...!
أنا ولــد بكل بساطهـ ..
أنا بدأت بالخـووف .. كنت أجلس بجانبها .. أبعدت عنها مسافهـ .. وكنت مندهشهـ جداً ..
هي أو بالآحرى (هو) ضحكـ(ت) ولكن سرعان مانزلت دمعهـ بعد الضحكهـ ..
في الحقيقه أحترت ماذا أقـوول لها .. هل أقـول أهلكـ مخطئون .. أم أنتي مخطئهـ ..؟
===
أنا : طيب ياسارهـ .. الحين ماجاوبتيني على سؤالي الآول .. ليش تبكين ..؟!
سارهـ : أنا قلت لكـ قصتي عشان ماتستغربين إذا قلت لكـ سبب صياحي ..
أنا : طيب وشو السبب ..؟!
سارهـ : انا بكيت لآني أبغى أعيش زين .. أنا مو بنت ولآ ولد .. انا من عقلي وقلبي ولد ..
لكن باقي جسمي بنت .. أنا أخلآقي أخلآق أولاد .. لكن شكلي شكل بنت ..
ابغى حل .. ماأقدر أعيش كذا ..!
جلست أقول في نفسي ..وش هالورطهـ الي دخلت نفسي فيها ..؟!
تبادر لذهني هالسؤال وقلتهـ ..
أنا : طيب ليش ماضاقت تبكين الحين ..؟! ليش مثلاً ماتبكين في البيت ..؟!
سارهـ : أدري بتكرهيني ويمكن ماعاد تقربين مني إذا قلت لكـ ليش بكيت الحين بس بقولكـ ..
أنا بكيت الحين لآني قبل شوي كنت ألآحق بنات وأقولهم (ياحلوات) .. وراحوا قالوا للمشرفهـ ..
والمشرفهـ عطتني تهزيئ .. وهي تهاوشني كنت أفكر بنفسي وأقول : أنا وشو بنت ولآ ولد ..؟!
===
بدأت أرتجف بعد ماقالت لي هالقصهـ .. حاولت أصرف وقلت :
تأخرت على الحصهـ معليش لآزم أروح ولآ كان ودي أكمل الكلآم معكـ ..
سارهـ ضحكت وقالت : ماقلت لكـ .. ماراح تقربين مني بعد ماأقولكـ وش صار ..
سويت نفسي ماسمعتها ومشيت ....
===
بدأت أتحاشاها .. وأحاول ماأقرب منها .. احياناً أقول بنفسي :
الي مثل هالآشكال لآزم نتغطى عنهم .. لآنهم تقريباً عيال ...!
واحياناً أرحمها .. وأتمنى أساعدها من كل قلبي .. لكن اخاف منها ..
حالتها صارت صعبهـ جداً .. دائماً الآحظـ على وجهها أثار البكاء ..
الآحظـ نظرات الحزن .. الآحظـ اشياء كثيرهـ ..
أتمنى لو أني أساعدها .. لكن بنفس الوقت ماأقرب منها ولآ خطوهـ ..
===
اسأل اللهـ أن يعافي سارهـ بماأصابها وكل من أبتلي بهذا البلآء ..
لآ أملكـ غير الدعاء لها ..
.
.
.
.
.
من المسؤول عن مايحصل لسارهـ ..
عائلتها .. أم هي ..؟!
تقبلوا أرق تحياتــي ..  |
