ياله نتخيل سوى انهم سمحو لنا في السعوديه بالسواقه من عشرين سنه بكذا راح تبدا
قصتي مع التفحيط وسواقة السيارات المهم انتم احكموا وقولوا رايكم

-----------------------------------

يوم كان عمري 11 سنه ابوي كان يقولي ( امسكي المفتاح وروحي جيبلي من السيارة باكيت زقاير تلقاه بالكشن الخلفي )

عاد انا اقوله : ( ابشر يا يبه )

واورح اشغل السيارة والعب فيها اقدمها وارجعها




وهاذي حالتي يومياً

--------------------------------

لما صار عمري 12 سنه تطورنا : : ابوي شرى موتر جديد .. كان ايامه احسن من BMW الحين






شرايكم بالسيارة ترى هذا اخوي الي قاعد يصيد

المهم ... ابوي كان يقولي يالله روحي جيبي امك عند خالتك شقحه : :
عاد انا مستانسه اقوله ابشر يا يبه ... ويقولي سوقي شوي شوي

و وقتها كنت طايره من الفرحة اروح اجيبهم واجي وهاذي حالتي

-------------------------------

ولما صار عمري 13 ..... اشوف ربعي الرجه يقولون يالله استعرضي ... فحطي ورينا طيب موترك ... وانا اقولهم لا انا وعدت ابوي اني اسوق شوي شوي

و في يوم من الايام .... جاني ابليس الملعون












وقاعد يقولي ( انتي خبله ... عندك سيارة وما تفحطين فيها افاااا والله افااا ربعك يضحكون عليكي روحي ورهم طيب موترك يالله قومي المفتاح معك يالله روووووحي وريهم التفحيط على اصوله )

عاد انا قلت ها لالا ماني رايحه... ترددت ... بعدين قلت انا بنت رجال والله لأعلمهم التفحيط على اصوله

وقمت وشغلت السيارة ورحت للبراحة اللي ورى الجمعية ولقيت البنات مع هالومينات هناك وقلتلهم فضولي البراحة ابي افحط

و قااموا يصفقووون ويقووولون ( يالله حيوووها يالله حيوووهاعطيه عطيه اثنين اثنين )
<<<<شله تدعو للشر

وقمت افحط و افحط وافحط











ما دريت اللا دورية وراي وهج وانا اختكم












ونحشت منهم


ومسرعه الا تطلع علي سيارة ريما وراي رهام واتلبق فيها ولا قي نفسي فوق السياره حقت رهام
وهاذي هي الصوره


مسكني ابوي و عطاني الف طراق وعصب علي وقال انتي مو كفو

---------------------------------

لما صار عمري 14 ما طلعت برى البيت ابوي للحين معصب علي



-------------------------------

15 سنه .... قمت اطلع بس شوي مو واجد

------------------------------

16 سنه قمت اطلع عادي اوكي ابوي نسى السالفة

------------------------------

17 سنه قلت لأبوي ابي سيارة انا باقيلي سنة وآخذ رخصة القيادة
قالي بس تسوقي عدل .... عاد وقتها ابوي تقاعد وقام يشتغل على باص ... الشغل مو عيب


:KJIS :KJIS :KJIS


وايامه الناس كانت كلها جياتي و زدااات سيارتهم وبعضهم طاحوا بالسيارة اللي اسمها ... شسمها شسمها

اي تذكرت

طاحوا بــ ( العّله )

عاد انا قلت لأبوي ابي Z ... قالي خلاص وراح واشترالياها شوفوها




وبيوم من الايام شفت بنت تأشرلي ؟؟؟؟
الا هاذي روافد وتجي حولي وتفحط تفحيطه





طرت من الفرحة وقلت انا بنت ابوي واعطيها تفحيط وافحط وافحط

ما دريت اللا كبسة الدورية وراي

و ابوي طلعني من المخفر بكفالة و قالي انتي مو كفو

هاتي Z وخذي الهيلكس ( عربانه ) و روحي جيبي الهندي اللي عند الغنم يقول انه مريض روح جيبه وتعال

وانا رايحه بالطريق ما دريت اللا وذاك الخرووف اللي طالع بوجهي
واصدم فيه


وبعد كذا ابوي عطاني السياره وقالي سوي الي تبينه

اتمنى ان محد يزعل مني هاذي قصة من خياااالي هييييه لحد يظن انها صج


تحياتي مجنونة تفحيط


وكل سنه وانتم طيبين احبابي;)