إقتباس الرسالة الأصلية كتبت بواسطة هلالي 292 مشكوووورين يـ اخواني ياعيال ديرتي والله ماقصروتوا بالردود كلكم ..الله يحفظكم يارب.. ردودكم افادتني كثير وعطتني معلومات اكثرـر .. تسلمون واتعبتكم معاي..وانشالله اشوف شباب من ديرتي بمدينة وتشتا بولاية كانسس.. واذا كان في ردود ومعلومات اكثر افيدوني لاهنتم.. تحياتي لكم

هلا والله باخوي

انا والله ما اعرف المدينة بس اعرف منهاتن بولاية كانساس واحد من الشباب يدرس هناك

انا في كولورداو ...........

اول شي تسويه هالحين انك تروح لاقوى معهد لغة وتاخذ دورة مكثفة وصدقني منتب حاس
باهميتها إلا اذا وصلت لامريكا


الدخول للولايات المتحدة :

مدري اذا اخذت فيزا ولا لا؟ لكن نصيحة عامة ادخل مع المطارات الصغيرة خاصة اول مرة

مثلا تجنب نيويورك وواشتن حاول تدخل من دنفر هيوستن أو ديترويت
# كل المطارات توفر فورمات جمارك باللغة العربية اطلبها ولا توقع على شي ما تفهمه
# ايضا الاكل غير مسموح باستثناء المجفف يعني لو تبي تمر خذ مكنوز ومن محل عليه
تاريخ انتهاء الصلاحية واعلم الجمارك بوجوده معك عن طريق الفورمة اللي بيعطونك اياها
بالطيارةو لا تحاول تكذب عليهم ابد.
# غالبا ما يفتشون الشنطة امامك لكنهم يفتشونها يدويا بعدين
# لانك طالب ستقضي 3أو 4 ساعات مع الجمارك وغالبا ستقضيها منتظرا لاتخاف
و هذا شي طبيعي وعادي
# بيسألونك كم سؤال اذا ما فهمت اعلم موظف الجمارك انك ما فهمت ولا تحاول تتوقع السؤال
بالاخير بيعطونك جوازك و (I-20) حقتك و معها مجموعة اوراق حاول انك تترجمها ثم تقراها
# بعدين تطلع لولايتك ولاحد بسأل عنك ولا يدري عنك بعدها

=========================================================================

في الحقيقة انا ما اعرف الولاية جيدا إلا انها ولاية زراعية بسيطة ورخيصة ولكن اعرف شباب هناك
ممكن اسألهم لك لكن على العموم جانوري العن شهر بامريكا وثيابنا غالبا ما تأكل عيش
وفيه شركتين مشهورتين بالغرب للملابس الشتوية هم نورث فيس و كولومبيا لذلك انا اقترح
انك تاخذ اثقل شي تلقاه بس شرط ما يكون غالي لانك بتصرف ما يقل عن 600 ريال على الملابس
الشتوية وترى فيه شي بامريكا اسمه (اوت ليت) يبيعون ملابس العام الماضي احيانا بنص السعر
حاول انك تسأل عن اقرب واحد لك عشان لا تفلس بسرعة. المهم لا تكثر و اشتر من هنا
لانهم ابخص بشتاهم. ولا تنس تاخذ معك جنزات 2 أو 3 مو اكثر و تي شيرتات وبرمودا للصيف

============================================================================

بالنسبة للناحية الاكادمية :

اذا كنت جاي تفلها وتغير جو فانصحك لا تجي وتعذب نفسك وتخسر الحكومة

اما اذا كنت جاي تتعلم فزي ما قلتلك اول شي ادخل معهد لغة عشان تمشي امورك
واذا وصلت امريكا وديرتك حاول تاخذ روميت غير عربي عشان تتمرن على اللغة معه ولا تقعد بالبيت !

روح ................................

روح للسوق ولا يفوتك الستيودنت سنتر هذا مركز بكل جامعة وحسب الجامعة يكون المركز مثلا عندنا هو ممتاز
جدا ودايم عنده دورات ونشاطات و فيه شيء مميز وهو قهوة الجمعة حيث يتجمع الطلاب من انحاء العالم
للتحدث فلا يفوتك اي فرصة للحديث بالانجليزي

سجل بمنظمة الطلبة المسلمين بيساعدونك من ناحية الدين من ناحية اللغة ايضا

وهناك العديد من الامور الثانية ممكن اعلمك اياها بعدين ........

لكن احذر من انك تسيء المعاملة مع السعوديين

قصدي انك لا تلزق فيهم وتدشر مع البعض الله يصلحهم وبنفس الوقت لا تسحب عليهم لان السعوديين
هم الوحيدين اللي ممكن يقفون معك اذا كان عندك مشكلة لا قدر الله وهم بيساعدونك على التخلص من
الهوم سيك لذلك احرص على انك تسجل بنوادي الطلبة السعوديين.

================================================================================

نصيحة مني : بعد ما تستقر بالديرة حاول انك تروح لمركز اصدار بطاقات العوية وممكن تعرفه من المعهد
خذ جوازك وآي توني وطلعلك ستيت آدي = بطاقة الاحوال عندنا
هذي تغنيك عن حمل الجواز وممكن تستأجر سيفتي بوكس بالبنك وتودع جوازك فيه وهذا شيء مهم
لانك ما ودك تعلق مع الاف بي آي اذا ضاع جوازك ووقع على ايدي غير امينة

==============================================================================

وحياك الله وان شا الله تنبسط بامريكا