.
.

اهنن وسهنن

أحلى صباح للجميع


عوده جديده للمشاركه في هذا القسم ..

بعد غياب لمدة سنوات لم يكن إلا بسبب العجز ..

لفت نظري التطور الي صار والحركتات الحلوه

وهذا شي يحسب لمشرفين هذا القسم والأعضاء النشطين فيه

كل التوفيق بأذن الله للجميع ..


------------


أهديكم قصيدتي التي تقول :




تكفى قبل ما تسافر انــتظر لحظه .. قلي على وين بس يا صاحبي نـاوي

عن حلمك الي تلاشى والزمن قضّه .. بتروح إلى وين كل الكون متساوي

عن ما سرق مبسمك كل النظر غضّه.. وانظر لما يظهرك في مبسمٍ ضاوي

ونفس عن الي بقت داخلك مكــتضّه .. خل المشاعر تصـوّر حلمها الغاوي

وان كانها حاويه ما لا تبي عرضـه .. ما يمنع أنك تحوّلها إلــــى الراوي

كانك مللت الحزن الحال من بعضه .. ضيقه تخلف وراها وضع مأســاوي

ضيقه تحيطا الفضا من طوله لعرضه .. وكــــل يدوّر دواه ولا فكر يـداوي

الي غشــاه المنام ولا قضى فرضه .. والي تسنّد على بــــنيان متهاوي

والكل يفقد على وسع الفضا ومضه .. يبدع على وصفها رسّامها الهاوي

يا طامحً للذهـــــــــب بيدينك الفضّه .. خلك لما تملكه متــــــماسك ولاوي

شيٍ تريده ومكــــــتوب القدر فضّه .. اهده لغيرك ولو كان الصدر خاوي

ولا تشتكي شكوة الي طايح حظُـه.. يكفي تخرّ بسجودك للسما قـــاوي



(( القصيده تم نشرها بجريدة الجزيره http://www.al-jazirah.com/147644/tr10d.htm ))




أخوكم / عبدالعزيز