اول شي يعطيكم العافيه على النقاش الهادف وان شاء الله نطلع بتوصيات تنفع المجتمع

- ماذا نريد من أبنائنا !

نبغا الله يصلحهم ويطلعون يفيدون مجتمعهم لا 60% من الشعب السعودي هم الشباب فكل بلد يقوم على سواعد شبابه والله يصلحهم ان شاء الله

- كيف نستطيع أن نجعلهم صالحين يفيدون أنفسهم ومجتمعهم ؟

التعليم بالصغر كالنقش على الحجر .
فلو ربا الواحد ولدهـ على مايبغا من يومه من صغير على مايبغا ان شاء الله يرتاح منه لا كبر

- ما هي أفضل الطرق لمناقشة الأبناء بسلوكياتهم ؟

اطلق شي ان الواحد يصير فله مع ولدهـ ومايجلس يهرج عليه هرج مايجيب فايدهـ يعني لو الواحد طلع مع ولدهـ هو واخوياهـ مافيها مشكله يعني الواحد يصير قريب من ولدهـ ويبشر بالخير لانه لاجا يناقشه بيكون (( سلس )) معه وماراح يكون فيه حواجز بينهم

- ما أفضل الطرق لمراقبة الأبناء ونصحهم وإرشادهم ؟

اتوقع كلمة مراقبه كلمة ماتفيد وتعاكس طرق التربيه لان مراقبة الولد يعني انك ماربيته زين ولا تدريبه بس لو خليت عندهـ الرقيب الذاتي ماراح تحتاج تراقبه .

ولو صار ولدك يبغاله مراقبه < - يعني داج هاج تراقبه بالتي هي احسن يعني تجيبها بطريقه حلوه لان الشباب مايحبون ان احد يراقبهم يعني ياخذ الحذر

- هل الموازنة والمعادلة بين الأبناء بالشدة واللين تكسب الأبناء الصدق مع والوالدين

اكيد ان الوالدين لازم يكونون شديدين مع اولادهم ومايعطونهم كل شي يبغونه لان اولادنا الحين يكبر ويصير هامل ماعنده هم ونشوفهم كثير الحين ولا كبر بيحمل والدينه المسؤليه فلازم نخليهم يتحملون المسؤليه وهم صغار .

- هل اختلاف البيئة التي تربى فيها الأب والبيئة التي تربى فيها الابن تأثير على الأسرة
في تكوين الوعي الملائم عند الوالدين ؟

اتوقع ان هذي شي حاصل ولا نقدر ننكرهـ لان بعض الشيبات كان عايش ببيئه ولا عمره عايش اللي حنا نعايشه ويمنع ولدهـ من كل شي ويشوف كل شي غلط وهذي مشكلة ( عويصه) ولا ندري وشلون نحلها .


وبالاخير اشكركم من كل قلبي .