هلا والله بأبناء جلدتي المغتربين
والله اني رحمتكم حتى قلت لابوي زوجني واحد مبتعث عشان اطبخله هو وزملاه
^
^
كثري منها هع هع
المهم بعطيكم طبخه سهله ولذيـــذه آوووي
بس عاد تراني ماعرف عن سوبرماركاتكم وش فيها وش مافيها
يالله كل واحد يمسك قلم و ورقه وسجل معاي/
اسم الطبخه/ "تشبه للازانيا" 
المقادير/
كيس مكرونه (دويرات صغنونات)
علبة قشطه
3 ملاعق كبيره جبن سايل
وبس الطريقه/
تسلق المكرونه في ماء مغلي مع ملعقة صغيره ملح وشوي زيت عشان ماتطلع فيها (قراره)
بعدين (اشخلوها) يعني صفوها من المويه وحطوها في صينيه
و حّط في الخلاط (القشطه والجبن السايل)
اذا ماعندك خلاط .. اخلطهم بيدك ثمن..
صبوا الخليط (القشطه والجبن) على المكرونه اللي في الصينيه
ثمن..
دخلوها في الفرن و (شبّوا) عليه من فوق عشان يذوب الخليط تمت 
وذا ودكم تغيرون الطعم حطوا معها تونه او قطع دجاج اللي يعجبكم
بس انتبهوا اذا بغيتوا تحطون تونه او دجاج حطوها فوق المكرونه قبل ماتصبون عليها القشطه والجبن
وبالصحه والعافيه
ولاتنسون تسدحون لي صور الطبخه اذا سويتوها
ودعواتكم..
سبتكم بعافيه
