السلام عليكم في هذي الأيام المباركه ندعو الله أن يتقبل صيامنا وقيامنا ويجعلنا ممن غفر لهم آآآمين
ألحين الكل عارف إن الزعيم يمر بظروف نفسيه سيئه جدا وما في أحد يقدر يحل هذه المشكله إلا جمهور الزعيم كيف؟
- تخيل معي شوي إنك لاعب هلالي
- الجمهور كله كان متأمل بالفوز بكأس أسيا وللأسف حصل العكس
- بعد المباراه الكل قام ينتقد ...إلخ والاعبين صارو محبطين نفسيا
- الحل كان بيدكم في مباراة الهلال مع نجران لأن الاعب لو شاف جمهور غفير في الإستاد كان الاعب حس بالذنب للجماهيرإلي تسانده حتى وهو خسران مباراه أسيويه مهمه بس للأسف هذا الشي ما صار
- إذا بتستمرون على هذي الطريقه ما تحضرون لا تفكرون ببطوله ولا شي لأن الداعم الأول والرقم الصعب للأزرق إختفى
-أخيرا أتمنى كل واحد تعهد بعدم الحظور يراجع نفسه من أجل عودة الهلال للبطولات وهذا الشي أكثر الفرحين فيه (إلي إنتم خابرين) علشان كذا صحصحوا ما دامنا في البدايه
-همسه في إذن كل هلالي محب
أنا أستغرب من إلي يطالب الأمير محمد بن فيصل بالإستقاله تذكروا زين وش سوا للهلال وقهر الكثيرين ببطولاته السته والجايات أكثر بإذن الله