|
من ناحية النقاش .. حول انييستا .. روني ..
برأي .. انه الموسم توه داخل في بدايته .. وتقريبا اللاعبين توهم داخلين في الفورمه .. يعني من الان وصاعدا الفرق خلاص تبين صورتها المفروض .. وباوضح ليش بديت بهالنقطه بعدين ..
==========
انييستا .. عن ويش اتكلم .. وويش اقول .. رؤيته في الملعب بس تفتح النفس .. الموسم الماضي استعمله ريكارد في شغل مركز ميسي .. ووالله اشتغل صح .. وعمل مباريات كبيره .. لكن أمام الشباك يصبح !!!! ..
انييستا عنده عنفوان الشباب .. وروح البلوقرانا .. سريع .. واختراقاته بين اللاعبين من الصعب مجاراتها .. لهذا استطاع شغل مركز رونالدينيو بشكل رائع ..
ولاننسى عنصر المفاجأه .. يعني الفرق المنافسه ماتعودت تشوف انييستا في هالمركز وبهالنوع من المسؤوليات التكتيكيه وبالتالي ممكن ماعرفت تحسبها صح وتوقفه ..
انييستا من ناحية تمريراته .. يجيد التمرير العرضي .. والطويل ويجيد استخدام الرجلين .. يعني ساعات نشوفه يخترق على الطرف ويعطيك عرضيه بشماله .. واحيانا يدخل في العمق .. و احيانا يغير مجرى اللعب من جهته الى ميسي بتمريره طويله سريعه ..
كل هالحاجات كانت عامل مهم في نجاح انييستا في هالمركز .. لكن برأي أهم عامل في تألق انييستا .. هو طريقته في المحافظه على الكره .. نذكر بدايات تألق انييستا مع الفريق .. خلنا نقول الموسم الا ربحنا فيه دوري الأبطال .. كان أكثر فترات لعبه لما كان يلعب محور للفريق .. كنا مانحس بسلبيات دفاعيه وطريقته بالدفاع .. لأنه الفريق كله كان يشتغل صح ويؤدي كل أدواره .. في نفس الوقت وجود فان بوميل ريحه من التدخلات البدنيه .. لكن اللي ابغا اشير اله في كلامي هني .. انه انييستا لما كان في المحور .. كان يؤديه بشكل رائع .. لأنه كان متى مايبغا يسرع اللعب يقدر يخترق ويتقدم بسرعته .. ومتى مابغا يعطل اللعب .. كان يحافظ على الكره بشكل رهيب ..
أيضا من ناحيه أخرى من ناحية خدمته للفريق .. مساندته الدفاعيه .. انييستا عنده سرعة بديهه في توقعه وين الكره بتتمرر .. ولياقته عاليه ماشاء الله .. فـ صار الفريق مردوده الدفاعي أفضل .. لأنه كان يضغط على كل خطوط الفريق المنافس .. وصرنا مانشوف الظهير اليمين يتقدم ويسوي خطوره على دفاع البارسا بلا حسيب ولارقيب زي أيام روني ..
==========
الحين نرجع للنقطه اللي بديت فيها كلامي .. ايه الحين الأنديه توها بتدخل في فورمة المباريات .. وصار استيعابهم لتكتيك المدرب أفضل وأفضل .. فـ طبيعي المباريات الأولى في الدوري .. تكون صعبه على بعض اللاعبين .. لأنه موكل اللاعبين يتدربو تدريبات وحده .. يعني مثلا .. النادي يوضع سلسلة تدريبات .. في ناس يمتثلو بها تماما .. وفيه ناس ممكن يقصرو فيها شوي .. وفيه ناس يزيدو عليها .. فـ بالتالي الناحيه البدنيه تفرق من لاعب الى لاعب .. كل واحد وطريقته وحياته في عالم كرة القدم ..فـ موالكل يوصل لحالته البدنيه المثلى في وقت واحد ..
روني الموسم الماضي قدم لينا موسم أقل بكثير من المستوى .. وكنا نحمله الذنب كله .. وصار الا صار ..
لكن هالموسم .. ريح في الاجازه .. واستعد للموسم بشكل أفضل .. المباريات الا شارك فيها مانقدر نحط لوم بشكل تام على مستواه .. او نقول انه ماتغير .. لأنه المباريات الا شارك فيها مع البارسا وقدم الفريق فيها أداء سلبي .. كانت من بعد مشاركات اللاعبين مع منتخباتهم ..
من بعد مباراة أتليتيك بلباو .. رونالدينيو كان مع منتخب بلاده في امريكا .. لعب مبارتين أمام امريكا والمكسيك .. المكسيك معروفين بلياقتهم العاليه ولعبهم الرجولي .. وامريكا لعبها بدني ولياقي .. المكسيك وامريكا لما لعبوا المباراتين امام البرازيل .. كانوا يعتبر المباراه مباراة العمر او شئ من هذا القبيل .. وبالتالي ماتهاونوا في الأداء وخلوا المباراه سهله للبرازيل .. في المباراتين هذولي .. قدم رونالدينيو أداء جميل صراحه .. وتحرك واجد .. وكان لعبه موبطئ .. كان لعبه كله من لمسه وحده .. وكان يساند الدفاع .. ويتحرك في الميمنه والميسره .. وخصوصا أمام امريكا كانوا يتدخلو لاعبي الخصم عليه بخشونه بعض الأحيان .. فـ ممكن الظروف ماخدمته من ناحية السفر والتعب .. فـ طلع بصوره باهته مع الفريق .. وخلت أقلام المنتقدين في اسبانيا تخرج وتدلو بدلوها ..
فـ اللي ابغا اوصله .. انه مانبغا نحكم على روني حكم نهائي .. لكن بالراحه الا صارت له من الاصابه .. وبعد ماشاف الفريق كيف يفوز بدونه .. ولما شاف كيف الفريق والجماهير يحبوه ويساندوه .. أتوقع بيقدم صوره أفضل بمراحل .. هو عنده كل الامكانيات الا تخليه يتفوق على منافسيه .. لكن الا يحتاجه العزيمه واللياقه البدنيه المثلى ..
==========
فـ حاليا .. مع اني أبغا اشوف انييستا أساسي ومع اني لست اكبر معجبي رونالدينيو من الأساس .. لكن .. مانقدر نقول انييستا أفضل أو روني .. انييستا قدم لينا صوره طيبه عن الا ممكن يعطيه الى النادي في هالمركز .. الحين جا الدور على روني .. اذا كان على قدر المسؤوليه .. بيرجع .. واذا لأ . صدقوني بيصير احتياط .. هالموسم مابيجامل ريكارد .. لأنه ريكارد يدري انه الجماهير ماتتحمل وممكن ينشات من الفريق ..
==========
في الختام .. أنا ماأبغا يرجع روني الا سوا الهوايل امام اشبيليه في اول موسم له .. ولا ابغا روني الا سدح جون تيري .. ولا ولا ولا .. ماعندي صوره معينه في بالي عن روني .. لكن ابغا روحه ترجع في الفريق .. ابغا احس بالفعل انه هاللاعب يستحق الكبتنيه .. روني أحس صار لعبه حذر بزياده .. ويخاف من الاحتكاكات .. بصراحه من حقه .. وهو مع ذلك مايسلم من المدافعين .. لكن ايضا من حق الفريق والجماهير انه يشوفو لاعبين يسعدوهم مويضايقوهم ..
| 