اول شيء ونا خوك مبروك لك والله يوفقنا وياك وانا بلحقك عقب فترة إن شاء الله . .

الحاجة الثانية . .

شف أنا بفيدك من ناحية الملابس لاتشتري إلا شتوية بس ! ولا اوصيك لاتشتري شيء غالي أبدا ترا اخوي العام الماضي راح وشرا أطقم على 400 و500 ريال وتوهق الضعيف يوم راح مالقاهم يلبسون إلا جنوز بس . .والملابس الفخمة خذ لك طقم او طقمين بس لا يكون فيه حفل هناك ولا شيء وإلا الدعوى كلها جنوز خذ لك كم لون وكم شكل وبس @

ومن ناحية اللغة لاتشيل هم ونا خوك فيه ناس مع أخوي جوا ما يعرفون إلا الحروف ويس وناو وأجتهدوا وصاروا من احسن ما يمكن باللغة بس اهم شيء انت تثابر ولا تجلس مع سعوديين واجد وبعدين المدينة إذا ما صار فيها سعوديين أزين لك هذا يخليك تجبر جبر كامل على اللغة وتتعلمها بسرعة عجيبة لذلك لا اوصيك ونا خوك . .ولو تاخذ لك دورة تقوية لغة مثلي لمدة شهر بواحد من هالمعاهد مهيب شينة تستغل وقتك وتستفيد . .

وأسمعني كانك رجال بتقلبها فلة ووناسة وهاذي الصراحة ياخوك تراك منتب فالح أبد وهذي تجارب خاصة السنة الاولى لتعلم اللغة والسنة الأولى للجامعة يبغالهن مثابرة وأجتهاد مضاعف من البداية عشان ترتاح بالنهاية . .

وممكن يفيدونك ملتقى الطلاب السعوديين بامريكا هناك كثير . .لو تدخل لموقعهم أبحث عنه وبتلقاه . .

وجب معك فلوس غحتياط وأسال ناس راحوا هناك عن كل شيء وخذ خبرة أستفد من وقتك أزين وأعرف كل شيء هناك عشان ترتاح بالنهاية . .

والله يوفقنا وياك يالغلا ,

اخوك : عاشق الأزرق 20